रेती घाटावर जाऊन वसुली करू पाहणाऱ्या तोतया उत्खनन अधिकाऱ्यास अटक

• प्रिया झामरेची न्यायालयीन कोठडीत रवानगी

आमचा विदर्भ - ब्युरो रिपोर्ट्स

चंद्रपूर -

दि. 19 जून 2020 ला आपल्या वाहनात तिघांना घेऊन वढा येथे रेती घाटावर जाऊन आम्ही उत्खनन विभागातून आलो आहे असे सांगत व अवैध रेतीचा एक ट्रॅक्टर पकडून हजारो रुपये वसुल करून पोबारा करणाऱ्या  प्रिया परमेश्वर झामरे (40) रा. बल्लारशाह ला आज अटक करण्यात अली. 

यांनी आपल्या वाहनात तिघांना घेऊन वढा येथे रेती घाटावर जाऊन आम्ही उत्खनन विभागातून आलो आहे असे सांगितले व अवैध रेतीचा एक ट्रॅक्टर पकडून हजारो रुपये वसुल करून पोबारा केला होता. याची चर्चा घुग्घुस परिसरात पसरताच हि माहिती भौगोलिक माहिती विभागाच्या अल्का खेडकर यांना मिळाली त्यांनी शहानिशा करून घुग्घुस पोलीस स्टेशन येथे तक्रार दिली होती. तक्रारी वरून पोलीस स्टेशन येथे गुन्हा दाखल करण्यात आला होता. गुन्हा दाखल होताच मुख्य सूत्रधार प्रिया झामरे ही फरार होऊन तिने उच्च न्यायालयात अटकपूर्व जामिनासाठी अर्ज केला होता परंतु तो अर्ज फेटाळण्यात आला अर्ज फेटाळताच गुरवारला घुग्गुस पोलीस स्टेशनच्या सहा. पोलीस निरीक्षक मेघा गोखरे यांनी आपल्या पथकासह बल्लारशाह गाठून आरोपी प्रिया झामरे यांना अटक केली व शुक्रवारला चंद्रपूर न्यायालयात हजार केले असता त्यांची न्यायालयीन कोठडीत रवानगी करण्यात आली.