विवाहितेची विहिरीत उडी मारून आत्महत्या

• राजुरा तालुक्यातील चिंचोली (बु) येथील घटना

अविनाश रामटेके - आमचा विदर्भ प्रतिनिधी

विरुर स्टेशन -

गेल्या वर्षी लग्न झालेल्या व आता गर्भवती असलेल्या एका एकवीस वर्षीय महिलेने विहिरीत उडी घेऊन आत्महत्या केल्याची दुर्दैवी घटना राजुरा तालुक्यातील चिंचोली (बु) येथे घडली असून मृतक महिलेचे नाव पौर्णिमा मनोज आसुटकर असे आहे.

घटनेची माहिती विरुर पोलिसांना मिळताच घटनेचा पंचनामा करून महिलेचे शव बाहेर काढण्यात आले व उत्तरीय तपासनीसाठी राजुरा येथे पाठविण्यात आले. घटनेचे मुख्य कारण मात्र कळू शकले नाही मात्र सततच्या नापिकीमुळे मृतकाचा पती नेहमी चिंताग्रस्त राहत होता त्यामुळं घरात कौटुंबिक कलह निर्माण होत असल्याचे चिंचोली ग्रामस्थांकडून बोलले जात आहे.