- रुग्णालयात दाखल होण्याच्या शक्यतेत ९४ टक्क्यांनी घट !
- अमेरिकेत करण्यात आलेल्या संशोधनातून समोर आला सकारात्मक निष्कर्ष
करोना विषाणूपासून बचाव करण्यासाठी लसीकरण वेगाने सुरू आहे. लसीकरणानंतर करोनाचा संसर्ग झाल्यामुळे रुग्णालयात दाखल होण्याचा आणि मृत्यू होण्याचा धोका कमी होत असल्याचे समोर आले आहे. फेडरल अभ्यासात हा दावा करण्यात आला आहे. करोनाला अटकाव करण्यासाठी फायजर-बायोएनटेक आणि मॉडर्ना लस घेतलेल्या वृद्ध प्रौढांना रुग्णालयात दाखल होण्यापासून रोखण्यासाठी अत्यंत प्रभावी आहेत. ज्यामध्ये, आजारपण आणि मृत्यूचे प्रमाण अधिक आहे.
अमेरिकेच्या रोग नियंत्रण आणि प्रतिबंधक केंद्राने (सीडीसी) म्हटले की, या अभ्यासातून समोर आलेले निष्कर्ष अपेक्षित होते. दोन्ही लशी करोना आजाराविरोधात प्रभावी असल्याचे याआधीच चाचणीत सिद्ध झाले होते.
सीडीसीने नुसार, ६५ वर्ष आणि त्यापुढील वयांच्या व्यक्तींचे लसीकरण पूर्ण झाल्यानंतर लस न घेतलेल्या इतरांच्या तुलनेत रुग्णालयात दाखल करण्याची शक्यता ९४ टक्के कमी झाली होती. तर, लशीचा पहिलाच डोस घेतलेल्यांच्या तुलनेत ही शक्यता ६४ टक्के इतकी कमी दिसून आली.
वाढत्या वयानुसार गंभीर आजार होण्याची शक्यता वाढते आणि त्यामुळेच अधिक वयाच्या व्यक्तींना बाधा होण्याची शक्यता असते. त्यासाठीच सीडीसीने या वयोगटातील नागरिकांना लसीकरणात प्राधान्य दिले होते.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.