चंद्रपूर जिल्‍हा सिमा ते जुनगांव, देवाडा, नांदगांव या रस्‍त्‍यावरील वैनगंगा नदीवर मोठया पुलाच्‍या बांधकामासाठी केंद्रीय मार्ग निधीतुन 95 कोटी रू. निधी मंजुर होणार

Aamacha Vidarbha

Link Author आमचा विदर्भ न्यूजचे संस्थापक संपादक दीपक शर्मा हे २००८ पासून पत्रकारिता क्षेत्रात कार्यरत असून त्यांनी विविध दैनिके आणि वृत्त माध्यमांमध्ये काम करताना सामाजिक, शैक्षणिक, कामगार, ग्रामीण आणि जनसामान्यांच्या प्रश्नांवर सातत्याने लेखणी चालविली आहे. वर्ष २०१५ पासून त्यांनी डिजिटल पत्रकारितेच्या माध्यमातून वेगवान, तटस्थ आणि जनहिताच्या बातम्या जनतेपर्यंत पोहोचविण्याचे कार्य सुरू ठेवले आहे. सामाजिक माध्यमे आणि ऑनलाइन न्यूज प्लॅटफॉर्मच्या माध्यमातून त्यांनी अनेक स्थानिक प्रश्न प्रशासनापर्यंत पोहोचविले आहेत. त्यांच्या पत्रकारितेचा केंद्रबिंदू नेहमीच सर्वसामान्य नागरिक, शेतकरी, कामगार, विद्यार्थी आणि ग्रामीण भागातील समस्या राहिल्या आहेत. शिक्षण, आरोग्य, पर्यावरण, सामाजिक न्याय आणि प्रशासनातील त्रुटींवर त्यांनी सातत्याने वृत्तांकन केले आहे. पत्रकारिता ही केवळ बातमी देण्याचे माध्यम नसून समाजातील सत्य परिस्थिती लोकांसमोर आणण्याची जबाबदारी आहे, या भूमिकेतून त्यांचे कार्य अविरत सुरू आहे. निष्पक्ष, जनजागृतीपर आणि समाजाभिमुख पत्रकारितेमुळे त्यांची ओळख निर्माण झाली आहे.

Title: चंद्रपूर जिल्‍हा सिमा ते जुनगांव, देवाडा, नांदगांव या रस्‍त्‍यावरील वैनगंगा नदीवर मोठया पुलाच्‍या बांधकामासाठी केंद्रीय मार्ग निधीतुन 95 कोटी रू. निधी मंजुर होणार
Author: Aamacha Vidarbha
Rating 5 of 5 Des:

केंद्रीय मंत्री नितीनजी गडकरी यांचे आ. सुधीर मुनगंटीवार यांना आश्‍वासन मनोज सोगलकर - विशेष प्रतिनिधी चंद्रपूर - चंद्रपूर तसेच गडचिरोली या आद...

केंद्रीय मंत्री नितीनजी गडकरी यांचे आ. सुधीर मुनगंटीवार यांना आश्‍वासन

मनोज सोगलकर - विशेष प्रतिनिधी
चंद्रपूर -

चंद्रपूर तसेच गडचिरोली या आदिवासी बहुल नक्षल प्रभावित जिल्‍हयांना जोडणा-या चंद्रपूर जिल्‍हा सिमा ते जुनगांव, देवाडा, नांदगांव या रस्‍त्‍यावरील वैनगंगा नदीवर एप्रोच रोडसह मोठया पुलाचे बांधकाम करण्‍यासाठी तसेच जुनगांव येथील पुलाची उंची वाढविण्‍यासाठी केंद्रीय मार्ग निधीतुन 95 कोटी रू निधी मंजुर करण्‍यात यावा अशी मागणी राज्‍याचे माजी अर्थमंत्री आ. सुधीर मुनगंटीवार यांनी केंद्रीय भ़ुतल परिवहन मंत्री ना. नितीनजी गडकरी यांच्‍याकडे केली आहे.

ऑगस्ट महिन्‍या अखेरीस गोसीखुर्द धरणाचे दरवाजे उघडल्‍यामुळे निर्माण झालेल्‍या पुरपरिस्थिती दरम्‍यान पोंभुर्णा व मुल तालुक्‍यातील शेतक-यांच्‍या शेताचे मोठया प्रमाणावर नुकसान झाले. या पुरपरिस्थितीचा पाहणी दौरा आ. सुधीर मुनगंटीवार यांनी केला. यावेळी नागरिकांनी चंद्रपूर जिल्‍हा सिमा ते जुनगांव, देवाडा, नांदगांव या रस्‍त्‍यावरील वैनगंगा नदीवर अॅप्रोच रोडसह मोठया पुलाचे बांधकाम करण्‍याची तसेच जुनगांव येथील पुलाची उंची वाढविण्‍याची मागणी आ. मुनगंटीवार यांच्‍याकडे केली. आ. सुधीर मुनगंटीवार यांनी सदर मोठया पुलाचे बांधकाम व पुलाची उंची वाढविण्‍याबाबत केंद्रीय मार्ग निधीतुन मंजुरी मिळविण्‍याचे आश्‍वासन नागरिकांना दिले होते. सदर आश्‍वासनानुसार त्‍यांनी याबाबत केंद्रीय भुतल परिवहन मंत्री ना. नितीनजी गडकरी यांच्‍याकडे निवेदन सादर केले असुन त्‍यांच्‍याशी चर्चा केली. सदर पुलाच्‍या बांधकामासाठी केंद्रीय मार्ग निधीतुन 95 कोटी रू. निधी मंजुर करण्‍यात येईल असे आश्‍वासन ना. नितीनजी गडकरी यांनी आ. मुनगंटीवार यांना दिले आहे.