चंद्रपुरात 5 व 6 सप्टेंबरला शहरातील वाहतूक मार्गात मोठे बदल

चंद्रपुरात 5 व 6 सप्टेंबरला शहरातील वाहतूक मार्गात मोठे बदल

ईद-ए-मिलाद व श्री गणेश विसर्जन मिरवणुकीदरम्यान पर्यायी मार्ग निश्चित

आमचा विदर्भ - दीपक शर्मा

चंद्रपूर (दि. 1 सप्टेंबर 2025) -

        चंद्रपूर शहरात 5 सप्टेंबर रोजी ईद-ए-मिलाद निमित्त आयोजित जुलूस व रॅली तसेच 6 सप्टेंबर रोजी श्री गणेश विसर्जन मिरवणुकीमुळे शहरातील वाहतूक व्यवस्थेत मोठ्या प्रमाणात बदल करण्यात आले आहेत. जिल्हा पोलिस अधीक्षक मुम्मका सुदर्शन यांनी वाहतूक बदलासंबंधी आदेश निर्गमित केले असून नागरिकांनी व गणेशभक्तांनी नियमांचे पालन करण्याचे आवाहन केले आहे.

🚦 वाहतूक बदल – 5 सप्टेंबर (ईद-ए-मिलाद जुलूस)

• सकाळी 8 वाजल्यापासून दुपारी 3 वाजेपर्यंत वाहतूक बदल लागू राहील.
• कोहिनूर ग्राउंड-दस्तगीर चौक-मिलन चौक-गांधी चौक-जयंत टॉकीज चौक-जटपुरा गेट-प्रियदर्शनी चौक मार्ग सर्व प्रकारच्या वाहनांसाठी बंद.
• हा मार्ग नो-पार्किंग झोन म्हणून घोषित.
• नागपूर, बल्लारशा, मुल, वरोरा दिशेहून येणाऱ्या वाहनांसाठी पर्यायी मार्ग निश्चित.

🚧 वाहतूक बदल – 6 सप्टेंबर (श्री गणेश विसर्जन मिरवणूक)

• गणेश विसर्जन मिरवणूक मार्गावर 6 सप्टेंबर सकाळी 6 वाजल्यापासून ते 7 सप्टेंबर सकाळी 6 वाजेपर्यंत वाहतूक बदल लागू राहील.
• प्रियदर्शनी चौक-जटपुरा गेट-कस्तुरबा चौक-गांधी चौक-रामनगर-संत केवलराम चौक-रामसेतू पुल मार्गावरील सर्व वाहने बंद.
• नागपूर, बल्लारशा, मुल, वणी, गडचांदूर, घुग्घुसकडे जाण्यासाठी पर्यायी मार्ग निश्चित.
• शहरातील नागरिकांनी सुचविलेल्या मार्गांचा वापर करावा.

🅿️ नो-पार्किंग आणि नो-हॉकर्स झोन

• जटपुरा गेट-कस्तुरबा चौक, प्रियदर्शनी चौक-जटपुरा गेट, गांधी चौक-मिलन चौक, दस्तगीर चौक-मिलन चौक, छोटा बाजार चौक-पाताळेश्वर मंदिर यासह 12 प्रमुख मार्ग नो-पार्किंग व नो-हॉकर्स झोन म्हणून घोषित.
• नागरिकांनी वाहने अनधिकृत ठिकाणी उभी करू नयेत.
• रहिवाशांनी आपली वाहने जुबली हायस्कूलचे पटांगण व महानगरपालिकेजवळील पार्किंग येथे ठेवावीत.

🚙 बाहेरून येणाऱ्यांसाठी पार्किंग व्यवस्था

• चांदा क्लब ग्राउंड
• डॉ. बाबासाहेब आंबेडकर कॉलेज, वरोरा नाका
• सेंट मायकल हायस्कूल, नगीनाबाग
• सिंधी पंचायत भवन, रामनगर
• व्यायामशाळा ग्राउंड, पठाणपुरा चौक
• डी.एड. कॉलेज ग्राउंड, बाबुपेठ
• महाकाली मंदिर ग्राउंड

⚠️ प्रशासनाचे आवाहन

• नागरिकांनी व मंडळांनी वाहतुकीच्या नियमांचे काटेकोर पालन करावे.
• नियमांचे उल्लंघन करणाऱ्यांवर कायदेशीर कारवाई करण्यात येईल.

वाहतूक सुरळीत राहावी म्हणून सर्वांनी प्रशासनास सहकार्य करावे, असे जिल्हा पोलिस अधीक्षक मुम्मका सुदर्शन यांनी स्पष्ट केले आहे.

#ChandrapurTrafficUpdate #EidMiladProcession #GaneshVisarjan2025 #TrafficDiversion #NoParkingZone #ChandrapurPolice #SafeProcession #chandrapurnews #chandrapurcity #chandrapur #aamchavidarbha #vidarbha

Major-changes-in-city-traffic-routes-on-September-5th-and-6th-Alternative-routes-decided-during-Eid-e-Milad-and-Shri-Ganesh-Visarjan-procession