अवैध रेती वाहतुकीवर पोलिसांची धडक कारवाई

अवैध रेती वाहतुकीवर पोलिसांची धडक कारवाई

"दोन आरोपी अटकेत, ट्रॅक्टर व रेतीसह ४ लाखांचा मुद्देमाल जप्त"

आमचा विदर्भ - दीपक शर्मा

चंद्रपूर / भद्रावती (दि. २८ ऑगस्ट २०२५) -

        भद्रावती पोलिसांनी मिळालेल्या गुप्त माहितीनुसार दिनांक ३० ऑगस्ट रोजी मानोरा फाटा येथे नाकाबंदी केली. या दरम्यान मांगली रोडवरून भद्रावतीकडे येत असलेल्या एका ट्रॅक्टरला थांबवून पंचासमक्ष तपासणी केली असता सदर वाहनात अंदाजे १ ब्रास रेती अवैधरित्या वाहतूक करताना आढळले.

        या प्रकरणी ट्रॅक्टरवरील आरोपी राजु पुरुषोत्तम शिरपूरकर (वय ३९ वर्षे) व अक्षय अशोक बोढेकर (वय २८ वर्षे, दोघे रा. मांगली) यांना ताब्यात घेण्यात आले. त्यांच्याविरुद्ध पोलीस स्टेशन भद्रावती येथे गुन्हा क्रमांक ५०७/२०२५ कलम ३०३ (२), ३ (५) भारतीय न्याय संहिता-२०२५ सहकलम ४८ महाराष्ट्र जमीन महसुल अधिनियम १९६६ अन्वये गुन्हा नोंदविण्यात आला आहे. या कारवाईत पोलिसांनी महिंद्र ट्रॅक्टर (क्रमांक एम.एच.२९-व्हि-१७१३), ट्रॉली व १ ब्रास रेती असा एकूण ४,०५,००० रुपयांचा मुद्देमाल जप्त केला आहे. सदर आरोपींना अटक करण्यात आली असून पुढील तपास भद्रावती पोलिस करीत आहेत.

       ही कारवाई पोलीस अधीक्षक मुम्मका सुदर्शन, अपर पोलीस अधीक्षक ईश्वर कातकडे, उपविभागीय पोलीस अधिकारी वरोरा संतोष बाकल यांच्या मार्गदर्शनाखाली पोलीस निरीक्षक योगेश्वर पारधी यांच्या नेतृत्वात मपोउपनि प्रियंका गेडाम, पोअं जगदीश झाडे, विजय उपरे, संतोष राठोड व योगेश घुगे भद्रावती पोलीस स्टेशन यांनी केली.

#IllegalSandMining #BhadrawatiPolice #ActionAgainstMafia #SandSmuggling #LawAndOrder #MaharashtraPolice #CrimeNews #yogeshwarparadhi #chandrapurnews #chandrapurcity #chandrapur #aamchavidarbha #vidarbha