रेती घाटावरून घरकुल लाभार्थ्यांकडून प्रत्येकी ट्रॅक्टर दोन हजार वसुलीचा आरोप

रेती घाटावरून घरकुल लाभार्थ्यांकडून प्रत्येकी ट्रॅक्टर दोन हजार वसुलीचा आरोप

file image

आमचा विदर्भ - दीपक शर्मा

राजुरा (दि. ०५ जुन २०२५) -

        राज्य शासनाच्या वतीने गरीब व गरजूंसाठी निशुल्क रेती वितरणाची योजना राबविण्यात येत आहे. या योजनेअंतर्गत घरकुल लाभार्थ्यांना अधिकृतपणे ठरवून दिलेल्या रेती घाटावरून मोफत रेती देण्यात येणार आहे. 

        मात्र राजुरा तालुक्यातील नलफडी रेती घाटात या योजनेच्या अंमलबजावणीतच गैरप्रकार घडत असल्याचे प्रकार उघडकीस आले आहेत. एका लाभार्थ्यांने "आमचा विदर्भ" शी बोलताना सांगितले की, शासकीय कर्मचारी काही मध्यस्थी यांच्या संगनमताने घरकुल रेतीसाठी त्यांच्याकडून प्रत्येकी ट्रॅक्टर दोन हजार रुपये घेत आहेत. ही बाब गंभीर असून राज्य शासनाच्या योजनेंतर्गत गैरव्यवहार होतोय हेच लोकांच्या मनात प्रश्न निर्माण करत आहे. लाभार्थ्यांनी याविरोधात लवकरच जिल्हाधिकाऱ्यांकडे तक्रार दाखल करण्याचा निर्णय घेतला आहे. "मोफत रेती ही आमची हक्काची, त्यासाठी पैसे मागणे चुकीचे आहे," असे म्हणत त्यांनी दोषी कर्मचाऱ्यांवर कारवाईची मागणी केली आहे. या प्रकारामुळे शासनाच्या नियोजनावरच प्रश्नचिन्ह निर्माण झाले असून, योजनेची प्रत्यक्ष अंमलबजावणी स्थानिक पातळीवर कशी बिघडवली जाते, याचे हे आणखी एक उदाहरण ठरते.