अ‍ॅटोमधून सुगंधित तंबाखूची वाहतूक

ऑटोमधून सुगंधित तंबाखूची वाहतूक

जवळपास ६ लाखाचा मुद्देमाल जप्त; पोलिसांची कारवाई

आमचा विदर्भ - दीपक शर्मा 

राजुरा (दि. ०५ जुन २०२५) -

        राजुरा पोलिसांनी रात्रीच्या सुमारास मोठी कारवाई करत सुगंधित तंबाखू आणि पानमसाल्याची सुमारे ५ लाख ९९ हजार रुपयांची बेकायदेशीर वाहतूक पकडली. ही कारवाई पोलीस निरीक्षक सुमित परतेकी यांच्या नेतृत्वाखाली झाली. मुखबीराच्या माहितीवरून अविनाश शेंडे वय ४२ वर्षे रा. चंद्रपूर या आरोपीच्या ताब्यातील अ‍ॅटो क्रमांक MH 34 D 6339 ची तपासणी केली असता, ऑटोच्या मागील सीटवर ठेवलेली पाच पांढऱ्या प्लास्टिक चुंगड्यांमध्ये बेकायदेशीर ईगल हुक्का तंबाखू अंदाजे किंमत 54 हजार 780, होल्ला हुक्का शिशा तंबाखू 150 पाउच किंमत 39 हजार 750, विमल पान मसाला 4 हजार 356, वि-1 तंबाखू 440 रुपये, वाहनाची अंदाजित किंमत 5 लाख असा एकूण 5 लाख 99 हजार 326 रुपयाचा मुद्देमाल जप्त करण्यात आला. या प्रकरणात भा.दं.वि. कलम 123, 275, 223 सह अन्न व सुरक्षा मानके अधिनियम 2006 च्या कलम 26(2)(a), 26(2)(i), 26(2)(iv), 59 अंतर्गत गुन्हा नोंदविण्यात आला आहे. ही कारवाई पोलीस अधीक्षक सुदर्शन मुमक्का, अप्पर पोलीस अधीक्षक रिना जनबंधु, व उपविभागीय अधिकारी यादव सर यांच्या मार्गदर्शनाखाली करण्यात आली. गुन्हे शोध पथकाचे पोउपनि भिष्मराज सोरते, पोउपनि पांडुरंग हाके, व पोलीस अंमलदार विक्की निर्वाण, प्रभाकर कोराम, शफीक शेख, शरद राठोड यांचा या कामगिरीत मोलाचा वाटा राहिला.