राजूरा, कोरपना, जीवती, गोंडपिपरीतील आदिवासी समाजाला पहिला वकील मिळाला

राजूरा, कोरपना, जीवती, गोंडपिपरीतील आदिवासी समाजाला पहिला वकील मिळाला

58 वर्षांनंतर नवा प्रवास - डॉ. मधुकर कोटनाके यांची वकिली क्षेत्रात दमदार एन्ट्री

आमचा विदर्भ - दीपक शर्मा

राजुरा (दि. 17 मे 2025) -

        मुंबई येथील महाराष्ट्र आणि गोवा वकील परिषद (Bar Council of Maharashtra and Goa) B.A., M.A. व LLB या शैक्षणिक पात्रता दस्तऐवजांची तपासणी करून डॉ. मधुकर कोटनाके यांना अधिवक्ता (Advocate) म्हणून मान्यता देण्यात आली आहे. विशेष बाब म्हणजे, वयाची ५८ वर्षे पूर्ण करून सामाजिक भान ठेवून सेवानिवृत्तीनंतर डॉ. मधुकर कोटनाके यांनी वकील म्हणून नवा प्रवास सुरू केला आहे. राजूरा, कोरपना, जीवती आणि गोंडपिपरी या आदिवासीबहुल परिसरातील पहिला आदिवासी वकील म्हणून ते ओळखले जातील.

सामाजिक कार्यातून न्यायाच्या सेवेकडे

        सेवानिवृत्तीनंतर समाजसेवा हेच ध्येय ठेवून डॉ. कोटनाके यांनी वकिलीचा अभ्यास पूर्ण केला. स्थानिक आदिवासी समाजाच्या हक्कांसाठी आणि न्यायासाठी लढणारा आवाज बनण्याचा त्यांनी निर्धार केला आहे. त्यांच्या या प्रेरणादायी प्रवासाने परिसरातील अनेक तरुणांना प्रेरणा मिळत आहे. या यशामुळे त्यांच्या कुटुंबीयांनी आणि समाजातील अनेकांनी आनंद व्यक्त केला आहे. त्यांच्या मेहनतीला न्याय मिळाल्याचे सर्वत्र कौतुक होत आहे.