राजुरा DB ची मोठी कारवाई : दोन दिवसांत 5 ठिकाणी छापे

राजुरा DB ची मोठी कारवाई : दोन दिवसांत 5 ठिकाणी छापे

*तब्बल 12.13 लाखांची अवैध दारू व मुद्देमाल जप्त!*

आमचा विदर्भ - दीपक शर्मा

राजुरा (दि. 20 एप्रिल 2025) 

        राजुरा गुन्हे अन्वेषण विभाग (DB) कडून दोन दिवसात दारूविरोधात मोठी मोहीम राबविण्यात आली. या मोहिमेत 5 वेगवेगळ्या ठिकाणी छापे टाकून एकूण 12,13,250/- रुपयांचा अवैध दारू व वाहने असा मुद्देमाल जप्त करण्यात आला. ही कारवाई परि.पो अधीक्षक अनिकेत हिरडे यांच्या नेतृत्वात पार पडली. यामध्ये पोलीस उपनिरीक्षक पांडुरंग हाके, भिष्मराज सोरते व पोलीस अंमलदार किशोर तुमराम, विकी निर्वाण, महेश बोलगोडवार, शफीक शेख, आनंद मोरे, अविनाश बांबोडे यांनी सक्रिय सहभाग घेतला.

कारवाईचा तपशील :

पहिल्या कारवाईत -

• 2 खोके, प्रत्येकी 200 नग रॉकेट देशी दारू (90 मि.ली.)
• एकूण किंमत: 10,000/-

दुसऱ्या कारवाईत -

• देशी दारू - 10,000/-
• Royal Track विदेशी दारू (25 नग x 300) - 6,500/-
• Iconic White विदेशी दारू (25 नग x 300) - 7,500/-
• 100000 कंपनी बीयर (12 कॅन x 300) - 3,600/-
• एकूण मुद्देमाल: 28,600/-

तिसऱ्या कारवाईत -

• 14 बॉक्स, 1400 नग 90 मि.ली. देशी दारू (70,000/-)
• Mahindra Bolero गाडी (MH34 AV 1775) - 10,00,000/-
• एकूण मुद्देमाल: 10,70,000/-

चौथ्या कारवाईत -

• 25 नग रॉकेट संत्रा देशी दारू - 1,250/-
• दुचाकी Access 125 (MH34 BJ 3335) - 40,000/-
• एकूण मुद्देमाल: 41,250/-

पाचव्या कारवाईत -

• 144 नग रॉकेट संत्रा (180 मि.ली.) देशी दारू - 14,400/-
• Access 125 दुचाकी (MH34 CL 1843) - 50,000/-
• एकूण मुद्देमाल: 64,400/-
• एकूण जप्त मुद्देमालाची किंमत: 12,13,250/-

नागरिकांचा सवाल : "दारू पुरवणारे दुकानदार कोण?"

        ही कारवाई अवैध दारू विक्री व वाहतूक रोखण्यासाठी एक ठोस पाऊल मानली जात आहे. पोलिसांच्या या धडाकेबाज कार्यवाहीमुळे गुन्हेगारी प्रवृत्तींमध्ये भीती निर्माण झाली असून नागरिकांकडून या कारवाईचे सर्वत्र कौतुक होत आहे. मात्र, या संपूर्ण साखळीत अवैध दारूचा स्रोत म्हणजेच, ती उपलब्ध करून देणारे अधिकृत किंवा अनधिकृत विक्रेते नेमके कोण? यावरून नागरिकांमध्ये उलटसुलट चर्चा सुरू झाली आहे.

• “अवैध दारू विक्रीचा पुरवठा इतक्या मोठ्या प्रमाणात कसा व कोणाच्या माध्यमातून होतो?”
• “काय अधिकृत परवानाधारक दुकानदार यात सहभागी आहेत का?”
• “अशा विक्रेत्यांवर कोणती कारवाई होते?”

        असे प्रश्न सध्या सोशल मीडियावर व लोकांमध्ये वारंवार उपस्थित होत आहेत. पोलिसांनी तातडीने कारवाई करून मोठ्या प्रमाणात मुद्देमाल हस्तगत केला असला, तरी या तस्करीमागील मुख्य सूत्रधारांवर कोणती कारवाई केली जाते याबाबत मात्र सध्या माहिती नसल्यामुळे नागरिकांमध्ये उत्सुकता व चिंता दोन्ही आहे. पोलिस प्रशासनाने यासंदर्भात अधिक कारवाई करावी, तसेच दारू तस्करीच्या मुळावर घाव घालण्यासाठी पुरवठा साखळीतील मुख्य दोषींवर कठोर कारवाई करावी, अशी मागणीही नागरिकांतून जोर धरत आहे.