शेडवाही येथील सरपंचासह काँग्रेस व भाजप कार्यकर्ते शेतकरी संघटनेत

जिवती तालुक्यात शेतकरी संघटनेची जोरदार मुसंडी

आमचा विदर्भ - दीपक शर्मा

राजुरा (दि. २९ सप्टेंबर २०२४) -

        राजुरा विधानसभा क्षेत्रातील जीवती तालुक्यातील शेडवाही या आदिवासी व अतिदुर्गम ग्रामपंचायत चे काँग्रेस पक्षाचे सरपंच सित्रूजी सिडाम यांचेसह काँग्रेस आणि भाजप कार्यकर्त्यांनी आपल्या पक्षाला रामराम करीत शेतकरी संघटनेचे नेते ॲड. वामनराव चटप यांच्या नेतृत्वावर विश्वास व्यक्त करीत शेतकरी संघटनेत प्रवेश केला. या सर्व कार्यकर्त्यांचे संघटनेचा लाल बिल्ला लावून माजी आमदार ॲड. वामनराव चटप यांनी स्वागत केले. यावेळी शेडवाही चे सरपंच सित्रू पाटील सिडाम यांचा शाल, श्रीफळ देवून सत्कार करण्यात आला. शेडवाही गुड्यावरील समाजमंदिरात झालेल्या या बैठकीला माजी जि.प. सभापती निळकंठराव कोरांगे, शेख इस्माईल, मधुकर चिंचोलकर, शब्बीर जागीरदार, यांचेसह जीवती तालुक्यातील संघटनेचे पदाधिकारी उपस्थित होते.

        या सभेत शेडवाही येथील आमू पाटील सिडाम, हनुमंतू कन्नाके, बारीकराव गेडाम, माणिक सिडाम, माणिक कोहचाळे, चंदू सिडाम, मोतीराम सिडाम, मोतीराम आत्राम, मारोती उदे, बंडू कोडापे, राजू सिडाम, अमृत सोयाम, भिमराव उदे, रामू कुमरे, आनंद परचाके, मोतीराम सिडाम, देवराव गेडाम, भिमराव आत्राम, सोमू कन्नाके, गणपती कुमरे, संभाजी सिडाम यांचेसह अनेक काॅग्रेस व भाजप कार्यकर्त्यांनी शेतकरी संघटनेत प्रवेश केला.

सरपंच सित्रूजी सिडाम यांचे युटर्न

        शेडवाही येथील सरपंच सित्रूजी सिडाम यांनी शेतकरी संघटनेत प्रवेश घेतला होता. याबाबत शेतकरी संघटनेच्या प्रेस नोट ग्रुप मध्ये दि. २१ सप्टेंबर ला प्रेस नोट टाकण्यात आली होती. मात्र दोन दिवसाच्या अंतराने शेडवाही येथील सरपंच सित्रूजी सिडाम यांनी युटर्न घेत पुन्हा काँग्रेस मध्येच राहण्याचा निर्णय घेतल्याचे काँग्रेसच्या प्रसिद्धी प्रमुखा कडून कळविण्यात आले आहे. 

#aamchavidarbha #vidarbha #news #breakingnews #chandrapur #rajura #ballarpur #korpana #gadchandur #gondpipari  #ballarshah #chimur #bhadravati #warora #nandaphata #kavthala #JivatiTaluka #Mul  #Shedwahi #ShetkariSanghtna #Congrass #BJP #AdvWamanraoChatap #WamanraoChatap