गंभीर आजाराने ग्रस्त मुलीच्या उपचारासाठी धावली 'कोरपना युवा प्रतिष्ठान'

कोरपना युवा प्रतिष्ठान तर्फे ४० हजाराची आर्थिक मदत

आमचा विदर्भ - धनराजसिंह शेखावत, तालुका प्रतिनिधी

कोरपना (दि. 09 डिसेंबर 2023) -

        येथील कोरपना युवा प्रतिष्ठान मागील काही वर्षांपासून सामाजिक बांधिलकी जोपासत अनेक सामाजिक उपक्रमासोबत अनेक गोरगरीब गरजू  व आजारग्रस्त यांना मदतीचा हात पुढे करताना दिसत आहे. 

        कोरपना येथील वार्ड क्र.१४ मधील यासीम शेख यांची मुलगी सानिया यासिम शेख वय अंदाजे १८ वर्ष ही ल्युपस एरिथेमॅटोसस आजाराने ग्रस्त असल्याने सदर आजार ग्रस्त मुलीला आजार आणखी त्रासदायक होत असल्याने किडनी व हृदयावर वाईट परिणाम होत असल्यामुळे दिवसेंदिवस सानियाची प्रकृती बिघडत असून  आरोग्य खालावत चालले आहे व त्यांच्या कुटुंबाची आर्थिक परस्थिती अत्यंत हलाखीची असल्यामुळे त्यांना योग्य उपचार करता येत नाही ही बाब कोरपना युवा प्रतिष्ठानचे अध्यक्ष नितीन विजयराव बावणे तसेच त्यांच्या सर्व सदस्यांना माहिती मिळताच युवा प्रतिष्ठानने नेहमी प्रमाणे मदतीचा हात पुढे करीत सानियाच्या उपचाराकरिता रोख रक्कम (४००००/) चाळीस हजार रुपयांची आर्थिक मदत करून उपचाराकरिता नागपूर येथील एम्स हॉस्पिटल येथे पाठविण्यात आले. पुढील उपचाराकरिता येणारा संपूर्ण खर्च सुद्धा युवा प्रतिष्ठान तर्फे करण्यात येणार असल्याची माहिती देण्यात आली. यावेळी इस्माईल शेख व नितीन बावणे यांची उपस्थिती होती

        या मदतीकरीता युवा प्रतिष्ठान कोरपनाच्या सर्व सदस्यांचे मोलाचे सहकार्य असल्याने  सदर प्रकरण लक्षात घेता लोकांच्या मदतीसाठी युवा प्रतिष्ठान सदैव तत्पर असल्याचे सिद्ध झाले असून या कामाचे सर्वत्र कौतुक होत आहे. (Korpana) (aamcha vidarbha)