तालुकास्तरीय पोषक आहार अभियान स्पर्धेत श्री प्रभू रामचंद्र विद्यालय तालुक्यातून अव्वल

आमचा विदर्भ - धनराजसिंह शेखावत तालुका प्रतिनिधी

कोरपना (दि. 15 सप्टेंबर 2023) -

       महाराष्ट्र शासन शालेय शिक्षण व क्रीडा विभागाच्या वतीने संपूर्ण राज्यामध्ये राबविण्यात येत असलेल्या पोषण आहार मोहिमे अंतर्गत अंबुजा कौशल्य व उद्योजकता विकास संस्थेमार्फत शालेय पोषण आहार सकस थाळी योजना व सकस पोषण आहार या बाबतीमध्ये उपरवाही येथे नुकत्याच विविध स्पर्धा तालुक्याभरातील शाळांसाठी राबविण्यात आल्या होत्या. यामध्ये तालुक्यातील विविध माध्यमिक व उच्च माध्यमिक शाळांनी उस्फूर्तपणे सहभाग नोंदविला. या दरम्यान पार पडलेल्या वक्तृत्व स्पर्धेमध्ये श्री प्रभू रामचंद्र विद्यालयाच्या विद्यार्थिनी वैशाली विजय सातघरे ने प्रथम क्रमांक आणि सानिया तोहिद शेख ने द्वितीय क्रमांक पटकाविला. त्याचप्रमाणे पोषक थाळी सहभाग स्पर्धेमध्ये सुद्धा जोया तोहीद शेख, श्रेया पंचवटी यांना उत्कृष्ट सहभाग पारितोषिक देण्यात आले. सर्व पारितोषिक विजेत्या विद्यार्थिनीचे विद्यालयाचे प्राचार्य डॉ. अनिल मुसळे, प्रशिक्षक शिक्षक रामकृष्ण रोगे आणि इतर सर्व शिक्षक व शिक्षकेतर कर्मचारी यांनी अभिनंदन केले आहे. (korpana) (aamcha vidarbha)