आगामी निवडणुकीची उमेदवारी आतापासूनच जाहीर शिवसेनेने रामपुर सरपंच पदाची उमेदवारी सौ.निकिता रमेश झाडे याना दिली

आगामी निवडणुकीची उमेदवारी आतापासूनच जाहीर

शिवसेनेने रामपुर सरपंच पदाची उमेदवारी सौ.निकिता रमेश झाडे याना दिली

आगामी निवडणूक स्वबळावर लढण्याची घोषणा

आमचा विदर्भ - दीपक शर्मा द्वारा

राजुरा (दि. ४ ऑगस्ट २०२३) -

        मनपा, नगरपालिका, ग्रामपंचायतीच्या निवडणुकीची घोषणा जाहीर झालेली नाही. मात्र, इच्छुक उमेदवारांना आतापासूनच या निवडणुकीचे वेध लागले आहेत. तसेच इच्छुक उमेदवारांचा खर्च मात्र सुरू झाल्याची चर्चा ठिकठिकाणी ऐकायला मिळत आहे. विविध सामाजिक कार्यक्रमांबरोबरच प्रत्यक्ष भेटीगाठी घेऊन वैयक्तिक चर्चा करून उमेदवार व त्यांचे कार्यकर्ते मत आजमावत आहे. आगामी रामपूर ग्राम पंचायतीची निवडणूक डोळ्यासमोर ठेऊन आपल्या उमेदवारांना आतापासूनच भरपूर वेळ मिळावा याकरिता (shivsena) शिवसेना विधानसभा क्षेत्र प्रमुख अनिल कदम, राजुरा विधानसभा समन्वयक उरकुडे, राजुराचे माजी उपनगराध्यक्ष व जेष्ठ शिवसैनिक बंडू वनकर, रामपूरचे शाखाप्रमुख उत्तम गिरी, जेष्ठ शिवसैनिक अशोक रोगे यांच्या उपस्थितीत नुकतीच बैठक पार पडली. या बैठकीत सर्वसामान्यांच्या मदतीला नेहमी तत्पर असणारे कट्टर शिवसैनिक व शिवसेना उपतालुका प्रमुख रमेश झाडे यांच्या पत्नी सौ.निकिता रमेश झाडे (Mrs. Nikita Ramesh Zade) यांना सरपंच (Sarpanch) पदाची उमेदवारी जाहीर करण्यात आली. (Shiv Sena nominated Ms. Nikita Ramesh Zade for the post of Rampur Sarpanch)

        आगामी मनपा, नगरपालिका, ग्रामपंचायत निवडणुकीच्या पार्श्वभूमीवर येणाऱ्या निवडणुकीला महत्व प्राप्त होणार आहे. त्यामुळे सर्वच मोठे नेते ‘आपले माणसं’ निवडून यावे याकरिता विशेष प्रयत्नशील असणार आहेत. बैठकीत रामपूरचे रमेश कुडे, माजी सरपंच उज्वल शेंडे, जेष्ठ शिवसैनिक गंगाधर वाढई, महादेव उरकुंडे, मंगेश काळे, रवी बत्तूला, रितेश चौधरी, गजानन घुगुल, बालाजी विधाते, बबन काळे, मारुती वाढई, रमेश झाडे (Ramesh Zade), नितीन ढवस, बंटी मालेकर, राजू कुमरे, नितीन साळवे, ओम काळे, आनाजी आगलावे, प्रकाश रोगे, अतुल खनके, हेमंत देवतळे, मयूर बोबडे इत्यादी पदाधिकारी व शिवसैनिक उपस्थित होते. (rajura) (aamcha vidarbha) 

        स्व. नीलकंठ कुडे यांनी जी सत्ता रामपूर मध्ये स्थापन केली त्यांच्या आदर्श डोळ्यासमोर ठेवून पुन्हा एकदा आम्ही रामपूर जिंकू

उत्तम गिरी

शाखाप्रमुख रामपूर

        रामपूर ह्या गावाला सुरुवातीपासूनच शिवसेनेचा बाले किल्ला असे संबोधल्या जात होते. त्याचप्रमाणे पुन्हा एकदा रामपूर ग्रामपंचायतीवर भगवा फडकवून रामपूर हा शिवसेनेचा बालेकिल्ला किल्ला अबाधित करणार

उज्वल शेंडे

माजी सरपंच रामपूर