झाड कोसळून महिलेचा मृत्यू

कोरपना तालुक्यात वादळी पावसाचा तडाखा

महावितरण चे मोठे नुकसान कोडशी बू, कोडशी खू, गांधीनगर, तुळशी, हेटी येथील वीज पुरवठा खंडित

कोरपना - हातलोनी मार्गावर झाड कोसळले - मार्ग बंद

आमचा विदर्भ - धनराजसिंह शेखावत तालुका प्रतिनिधी

कोरपना (दि. १० जुन २०२३) -

        तालुक्याला आज दुपारी प्रचंड वादळी पावसाचा तडाखा बसला. दरम्यान वडगाव येथे झाड कोसळून महिलेचा मृत्यू झाला. वडगाव येथील शेतात कामाला गेलेल्या वैशाली गोवर्धन उरकुडे (वय 35) या महिलेवर झाड कोसळून जागीच मृत्यू झाला. गुलाब जिवतोडे यांच्या शेतात सरकी टिबायला सदर महिला गेली होती. आज 10 जून रोजी दुपारी झालेल्या जोरदार वादळी पावसामुळे ती झाडाखाली थांबली तेव्हा झाड कोसळून तिचा मृत्यू झाला. (Korpana)

        तालुक्याला आज दुपारी प्रचंड वारा व वादळी पावसाचा तडाखा बसला यामुळे कोरपना - हातलोनी मार्गावर झाड कोसळल्याने सदर मार्गावरील वाहतूक बंद झाली. आज दुपारी 02:30 वाजताच्या सुमारास कोडसी (बु) यथे वादळी वाऱ्यासह पावसाचे आगमन झाले असून त्या मध्ये रस्त्या लगत असलेली झाडें, गावातील इलेक्ट्रिक पोल, कित्येकाचा घरांची छपरे, शेतीसाठी आणलेले खत याचे अतोनात नुकसान झाले आहेत. (aamcha vidarbha)