रिमझिम पावसाने वातावरण सुखावले

चुनाभट्टी वॉर्ड राजुरा

पेरण्यांना सुरुवात होण्याची शक्यता

नाल्यांचे पाणी रस्त्यावर - बघा व्हिडीओ

टीम - आमचा विदर्भ 

राजुरा / बल्लारशाह / गडचांदूर / विरूर स्टे. (दि. २६ जून २०२३) -

        उशिरा का होईना पण जिल्ह्यात पावसाला सुरुवात झाली असून रविवार पासून सुरु असलेल्या रिमझिम पावसाने वातावरण सुखावले आहे. रविवारी काही ठिकाणी धुंवाधार पाऊस झाला व रविवारच्या रात्रीपासूनच रिमझिम पाणी सुरु झाल्याने वातावरणातही गारवा निर्माण झाला आहे. काही दिवस वातावरणात उकाडा जाणवत होता मात्र आता पावसाने लावलेल्या हजेरीमुळे आता नागरिकांना दिलासा मिळणार आहे. या पावसामुळं शेतकऱ्यांना देखील काही प्रमाणात दिलासा मिळाला आहे. (Sowing is likely to begin) (Rajura / Ballarshah / Gadchandur / Wirur Stetion)

        चंद्रपूर जिल्ह्यात कापूस लागवडीला सुरुवात झाली. बऱ्याच भागात खरीप पेरणीला गती मिळाली आहे. पाऊस उशीरा आल्याने लांबलेल्या पेरण्या उरकण्यासाठी शेतकऱ्यांची लगबग पाहायला मिळत आहे. पुढील 48 तासांत मान्सून संपूर्ण विदर्भ व्यापेल असा अंदाज नागपूर वेध शाळेने व्यक्त केला. 25 ते 27 जून विदर्भाच्या बऱ्याच भागात मुसळधार पावसाचा अंदाज आहे. 

        राजुरातील चुना भट्टी वॉर्डात काल रविवारी दुपारी आलेल्या जोरदार पावसाने चोकप झालेल्या नाल्यांचे पाणी रस्त्यावर साचल्याने नागरिकांना त्रास सहन करावा लागला. गडचांदूरातही काही ठिकाणी पाणी साचल्याने नागरिकांनी नाराजी व्यक्त केली. (aamcha vidarbha)