सुमठाणा येथे आग लागून गोठा भस्मसात

आमचा विदर्भ - कार्यालय प्रतिनिधी

राजुरा (दि. १ डिसेंबर २०२२) - 

        राजुरा तालुक्यातील सुमठाणा येथे बुधवारी पहाटे चार वाजताच्या दरम्यान धनराज श्यामराव देवाळकर यांच्या गोठ्याला आग लागली. (The barn caught fire) या आगीत दोन बैल व एक गाय होरपळली आणि एक कार आगीच्या भक्षस्थानी पडली. या आगीत काही कोंबड्याही जळाल्या. पहाटेच्या सुमारास अचानक देवाळकर यांच्या गोठ्याला आग लागली. गावकऱ्यांना याची माहिती होताच त्यांनी आग विझविण्याचा प्रयत्न केला. यावेळी राजुरा येथून अग्निशमन बंब बोलविण्यात येऊन त्यांनी आग विझविली. या आगीमुळे एक बैलजोडी, गाय व तीन जनावरे गंभीर जखमी झाली. गोठ्याजवळ ठेवलेली कार पूर्णपणे जळाली. यामुळे आर्थिक नुकसान झाले. काही कोंबड्याही जळून मरण पावल्या. या आगीत देवाळकर कुटुंबीयांचे मोठे आर्थिक नुकसान झाले असून शासनाकडून नुकसान भरपाई मिळावी. अशी मागणी केली आहे. या घटनेची माहिती मिळताच माजी नगराध्यक्ष अरुण धोटे यांनी घटनास्थळाची पाहणी केली. (Former Mayor Arun Dhote) (sumthana)