वेकोलीत शैक्षणिक पात्रतेनुसार मिळेल नोकरी

अँड.इंजि. प्रशांत घरोटे यांनी माजी केंद्रीय गृहराज्य मंत्री हंसराज अहिर यांचेकडे केलेल्या पाठपुराव्याला यश

आमचा विदर्भ - कार्यालय प्रतिनिधी

राजुरा -

        भाजपा तालुका महामंत्री अँड.इंजि. प्रशांत घरोटे (prashant gharote) यांनी माजी गृह राज्यमंत्री हंसराज अहिर (Former Minister of State for Home Hansraj Ahir) याना केलेल्या पाठपुराव्यात वेकोलि (wcl) परिसरातील कामगारांना त्यांच्या शैक्षणिक पात्रतेनुसार नोकऱ्या (As per educational qualification) देण्याची मागणी केली होती. याबाबत त्यांनी सातत्याने प्रयत्न केले, त्यामुळे २०१६ मध्ये वेकोलित काम करणाऱ्या कामगारांना त्यांच्या शैक्षणिक पात्रतेनुसार घेण्याचा निर्णय घेण्यात आला होता. मात्र वेकोलि व्यवस्थापनाच्या मनमानी धोरणामुळे त्याची अंमलबजावणी झाली नाही. अखेर अँड.इंजि. प्रशांत घरोटे यांचा पाठपुरावा आणि हंसराज अहिर यांच्या आक्रमक भूमिकेमुळे वेकोलितील उच्चशिक्षित प्रकल्प कामगारांचे हिरावून घेतलेले हक्क बहाल करण्याचा निर्णय वेकोलि मुख्यालयाला घ्यावा लागला

घरोटे यांच्या पाठपुराव्यामुळे अहिर यांनी उपस्थित केला होता मुद्दा 

        सन २०२१-२२ पासून चंद्रपूर जिल्ह्यातील पौनी-३, एकोना व इतर खाणीतील प्रकल्पग्रस्तांना नोकऱ्या देताना वेकोलिने या निर्णयाकडे दुर्लक्ष केल्याने अहिर यांनी नागपूर वेकोलि मुख्यालयाच्या  nagpur wcl head qaurter बैठकीत या विषयावर चर्चा केली. त्यामुळे उच्च शिक्षित कामगारांनी या विभागातील कामगारांना प्रादेशिक कार्मिक व्यवस्थापक, नागपूर विभाग यांच्याकडे अर्ज करण्याच्या सूचना देण्यात आल्या आहेत. या निर्णयाची अंमलबजावणी होऊनही त्याकडे वेकोलि व्यवस्थापनाकडून लक्ष न देण्याच्या प्रयत्नांबद्दल तीव्र नाराजी व्यक्त करत अहिर यांनी याबाबतची माहिती चंद्रपूर, यवतमाळ येथील वेकोलि प्रादेशिक कार्यालयातून थेट वेकोलि मुख्यालयाला द्यावी, अशी मागणी केली. त्यामुळे आयटीआय, अभियांत्रिकी (पदवीधारक), फार्मसी, हॉटेल मॅनेजमेंट, एमबीए, एलएलबी व इतर उच्चशिक्षित कामगारांना दर्जेदार अधिकारांकडे दुर्लक्ष केले जात होते, आता त्यांना हा अधिकार मिळणार आहे.

सीएमडीकडे त्वरित निर्णय घेण्याची मागणी

        नवीन एसओपीच्या नावाखाली चंद्रपूर, यवतमाळ जिल्ह्यातील अनेक उच्चशिक्षित वेकोलि प्रकल्पग्रस्तांना गेल्या वर्षभरापासून त्यांच्या भूसंपादन क्षेत्राव्यतिरिक्त इतर भागात, विशेषत: नागपूर परिसरातील भूमिगत खाणींमध्ये नोकरी देण्यात आली आहे. (Underground mines) या संदर्भात भाजपा तालुका महामंत्री अँड.इंजि. प्रशांत घरोटे यांनी गृह राज्यमंत्री हंसराज अहिर यांच्या कडे सातत्याने पाठपुरावा केला होता. अहिर यांनी सुद्धा वेकोलिच्या मुख्यालयात वेळोवेळी बैठका घेतल्या. याबद्दल नाराजी व्यक्त करत मुद्दा मांडला. नुकतेच ऑक्टोबर महिन्यात या संदर्भात तातडीने निर्णय घेण्याच्या सूचना सीएमडींना दिल्या होत्या. हे पाहता उच्चशिक्षित कामगारांना स्थानिक खाणीतच लागू करण्याच्या सूचना महत्त्वाच्या असून कामगारांना यामुळे न्याय मिळणार आहे.

हि बातमी वाचली का..... 
माजी नगरसेवकाची ठेकेदाराला मारहाण
माजी नगरसेवक राजू डोहे यांच्यावर मारहाण केल्याप्रकरणी गुन्हा दाखल