रामपूर-सास्ती रस्ता गेला खड्यात

रामपूर-सास्ती रस्ता गेला खड्यात

तात्काळ दुरुस्ती करा अन्यथा 22 तारखेपासून ठिय्या आंदोलन

रस्त्याच्या दुरुस्तीकरीता शिवसेनेचे निवेदन

विरेंद्र पुणेकर - आमचा विदर्भ प्रतिनिधी

राजुरा -

तालुक्यात सतत होणाऱ्या पावसामुळे ओढवलेल्या पुरस्थितीमुळे राजुरा-बल्लारपूर व्हाया बामणी मार्ग तीनदा बंद झाला होता. यामुळे संपूर्ण वाहतूक ही सास्ती-बल्लारपूर मार्गाने होत होती आणि ती अजूनही सुरु आहे. 

वेकोली प्रशासनाने कर्मचाऱ्यांच्या सोयीसुविधेसाठी तयार केला चेक पोस्ट ते बल्लारपूर हा मार्ग सर्वासामन्य लोकांसाठी खुला करून देण्यात आला यात काही गैर नाही. मात्र या मार्गाने होणाऱ्या जडवाहतुकीमुळे रस्त्याची अवस्था खड्डेमय झाली आहे परिणामता कर्मचाऱ्यांना नाहक त्रास सहन करावा लागत असून अपघाताचे प्रमाण वाढले आहे.पीडब्लूडी हद्दीतील सास्ती कॉर्नर ते चेकपोस्ट मार्ग सुद्धा अतिशय बिकट अवस्थेत असून सामान्य नागरिक आणि कर्मचाऱ्यांना जीवघेना प्रवास करावा लागत आहे.

वेकोली प्रशासन याकडे उघड्या डोळ्याने बघून सुद्धा दुर्लक्ष करत आहे. दि. 21 ऑगस्टच्या आधी या रस्त्याच्या दुरुस्तीचे काम सुरु करण्यात यावे अन्यथा 22 आगस्टपासून शिवसेनेच्या वतीने भव्य मोर्च्या आंदोलन करण्यात येईल अश्या प्रकारचे निवेदन वेकोलि, पीडब्लूडी आणि राजुरा पोलीस स्टेशनला देण्यात आले आहे. याप्रसंगी शिवसेना विधानसभा समन्वयक बबन उरकुडे, तालुका प्रमुख वासुदेव चापले, शहर प्रमुख राकेश चिलकुलवार, उपतालुका प्रमुख रमेश झाडे, अभिजित मालेकर आणि पदाधिकारी उपस्थित होते.