शाळेचा पहिला दिवस विद्यार्थ्यांसाठी प्रेरणादायी - प्राचार्य डॉक्टर अनिल मुसळे

शाळेचा पहिला दिवस विद्यार्थ्यांसाठी प्रेरणादायी - प्राचार्य डॉक्टर अनिल मुसळे

शाळेचा पहिला दिवस प्रवेशोत्सव दिन म्हणून साजरा करण्यात आला

इयत्ता पाचवी ते आठवीच्या विद्यार्थ्यांना पुस्तके व शालेय पोषण आहार वितरित करण्यात आले

धनराजसिंह शेखावत - आमचा विदर्भ प्रतिनिधी

गडचांदुर -

वंदनीय राष्ट्रसंत तुकडोजी महाराज बहुउद्देशीय मंडळ नांदा द्वारा संचालित श्री प्रभू रामचंद्र विद्यालय महाविद्यालय नांदा येथे शाळेचा पहिला दिवस प्रवेशोत्सव दिन म्हणून साजरा करण्यात आला. यावेळी कार्यक्रमाच्या अध्यक्षस्थानी सचिव तथा प्राचार्य मुसळे हे उपस्थित होते अतिथी म्हणून कालयाचे ज्येष्ठ शिक्षक संदीप खिरडकर, रुपेश विरुटकर, रामकृष्ण रोगे, अजय बारसागडे, अरुण कुसळकर, शकील शेख, भारती अग्रहरी, सोनू गोंडे यांची प्रामुख्याने उपस्थिती होती. येणारे शैक्षणिक सत्र 2022 2023 नुकतेच सुरू झाले असून शासनाच्या निर्देशानुसार शाळेचा पहिला दिवस विद्यार्थ्यांसाठी उत्साहपूर्ण व नाविन्यपूर्ण वाटावा यासाठी शाळेमध्ये विद्यार्थ्यांना भेटवस्तू व विविध स्पर्धांचे आयोजन करण्यात आले होते. याच कार्यक्रमाचे औचित्य साधत इयत्ता पाचवी ते आठवीच्या विद्यार्थ्यांना पुस्तके वाटप करण्यात आली शिवाय शालेय पोषण आहार वितरित करण्यात आले. वर्गपुढे रांगोळ्या, फुलं टाकून व आकर्षक करून विद्यार्थ्यांना पुष्प देत त्यांचे स्वागत करण्यात आले. 

   सदर कार्यक्रमाचे सूत्रसंचालन कुमारी शेडमाके यांनी केले तर प्रज्ञा आवारी यांनी मानले. यावेळी मोठ्या संख्येत विद्यार्थी तसेच पालक सुद्धा उपस्थित होते दहावी आणि बारावी मध्ये द्वितीय तथा तृतीय आलेल्या विद्यार्थ्यांचा सुद्धा पुष्पगुच्छ देऊन सत्कार करण्यात आला.