पुरात वाहुन गेलेल्या परिवारास शासनाने केली 4 लाख रुपयांची मदत
मृत व्यक्तीच्या परिवाराने मानले शासन आणि गावकऱ्यांचे आभार
धनराजसिंह शेखावत - आमचा विदर्भ प्रतिनिधी
गडचांदुर -
अमलनाला धरणाजवळ असलेल्या नौकारी (बु) येथील स्व.संजय राजाराम कंडलेवार वय 50 वर्ष हा व्यक्ती दिनांक 10 जुलै ला सकाळी 9 वाजता नोकारी बु.(माईंनस) ता.राजुरा येथील नाल्याच्या प्रवाहात वाहून गेला होता व शोध घेतला असता 13 जुलै ला मृतदेह अमलणाला धरण येथे तरंगताना आढळून आला होता
मयताच्या परिवाराला शासनाच्या वतीने आर्थिक साहाय्यताचा 4 लक्ष रुपयांचा धनादेश मा. हरीश गाडे, तहसीलदार राजुरा यांनी नोकारी बु.(गोवारीगुडा) येथे 19 जुलै ला मयत संजय/संजीत यांचे परिवाराची भेट घेऊन देण्यात आला. यावेळी मंडळ अधिकारी साळवे, तलाठी ईसापुर वडस्कर , नोकारी बु चे माजी उपसरपंच वामन तुरानकर, पो.पाटील नोकारी बु. राकेश भगत, ईसापुर चे कोतवाल, रमेश नैताम हे उपस्थित होते. मयताचा परिवार दुखात असताना मा. तहसीलदार यांनी व महसुल विभागाचे कर्मचारी, पोलीस स्टेशन गडचांदूर, पो.स्टेशन चंद्रपूर शोध पथक, पत्रकार प्रा. अशोक डोईफोडे, ग्रामस्थानी केलेले सहकार्य अमूल्य आहे व वामन तुरानकर, माजी उपसरपंच यानी केलेला पाठपुरावा व मदत यामुळे सर्व शक्य झाले असे मत व्यक्त करण्यात आले. वाहून गेलेल्या व्यक्तीच्या परिवाराने शासनाचे व ग्रामवासियांचे आभार मानले.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.