गडचांदूर व बिबी येथे रमजान ईद उत्साहात साजरी

• गडचांदूर व बिबी येथे रमजान ईद उत्साहात साजरी
• ईद निमित्त देशाच्या विकासाकरिता सामुहिक प्रार्थना
• परस्परांना आलिंगन देत 'ईद-मुबारक’ म्हणत देण्यात आल्या शुभेच्छा 
• ईदगाह मध्ये ठाणेदार सह अन्य मान्यवरांचा सत्कार  
• सर्व मुस्लिम बांधवांना ठाणेदाराणी दिल्या ईदच्या शुभेच्छा

धनराजसिंह शेखावत - आमचा विदर्भ प्रतिनिधी

गडचांदूर/बीबी -

कोरपना तालुक्यातील बिबी येथे रमजान ईद मोठ्या उत्साहात साजरी करण्यात आली. ईद निमित्त देशाच्या विकासाकरिता सामुहिक प्रार्थना करण्यात आली. रमजान ईद निमित्त सकाळी बिबी येथील ईदगाह मैदानावर नमाज अदा करण्यासाठी पारंपरिक वेशात अबालवृध्द मोठया संख्येने उपस्थित होते. सामुहिक नमाज पठणानंतर आला हजरत मस्जीद बिबी चे मौलाना तहसिन रजा यांनी धर्मसंदेश देण्यासह राष्ट्राच्या समृध्दी, सुरक्षा आणि सुयशाकरिता विशेष सामुहिक प्रार्थना केली. राष्ट्रात सौहार्दपूर्ण वातावरण कायम राहणे आणि परस्परांमध्ये निकोप प्रेम वाढण्यासह अपप्रवृत्तींपासून लांब ठेवण्याकरिता याचना करण्यात आली. त्याचबरोबर बेरोजगारांना रोजगार, आजारी नागरिकांना चांगले स्वास्थ्य आणि अडचणीत असलेल्या नागरिकांची समस्येतून सुटका व्हावी याकरिता प्रार्थना करण्यात आली. नमाज नंतर मुस्लिम बांधवांनी दफनभूमीत जाऊन आप्त व स्वजनांच्या थडग्यांवर फुले वाहून आदरांजली वाहिली.

परस्परांना आलिंगन देत `ईद-मुबारक` म्हणत शुभेच्छा देण्यात आल्या. कायदा सुव्यवस्था अबाधित ठेवण्यासाठी म्हणून रात्रंदिवस अपार कष्ट घेत असलेले आपले पोलिस कर्मचारी मात्र कोणतेही सण उत्सव आपल्या व्यस्ततेमुळे साजरा करू शकत नाही बिबी येथे इदगाह मैदानावर गडचांदुर पोलिस स्टेशन चे पोलिस उप निरीक्षक प्रमोद शिंदे, पोलिस कर्मचारी इंदल राठोड, तिरुपती माने, ज्योती बल्की,षमा आडकिने ईदगाह वर मुस्लिम बांधवांना शुभेच्छा दिल्या व मौलाना तहसिन रजा यांचा शाल व पुष्पगुच्छ देऊन सत्कार केला. तसेच आला हजरत कमेटी तर्फे पोलिस कर्मचार्याचे पुष्पगुच्छ देऊन स्वागत करण्यात आले. यावेळी आला हजरत कमेटी बिबी चे अब्बास शेख, सादिक शेख, रहीम शेख, अकबर शेख, पत्रकार हबीब शेख, इम्रान शेख, गौस सिद्दीकी, अक्रम शेख, अफरोज शेख, नसीम शेख उपस्थित होते.

गडचांदूरातही रमजान ईद उत्साहात साजरी

संपूर्ण  देशा मध्ये आज अजाण चे नावावर लाऊडस्पिकरच्या आवाजाचे समाजात विष पेरण्या चे काम काही राजकीय पक्ष करीत असून सत्यजित आमले सारखे अधिकारी मात्र समाजात शांतता नांदावी यासाठी रात्रदिवस सामाजिक दायित्व निभवित आपले कर्तव्य बजावत आहे. आधी हनुमान जयंती निमित्त पोलिस स्टेशन मध्ये महाप्रसाद तर रोजा अफतारी साठी शहरातील प्रत्येक मस्जिद मधे फळ, फ्रूट, खजुर चे वाटप ठाणेदार यांनी केले ह्या कार्याची सर्व समाजात प्रशंसा होत असून त्याचे कार्य पाहून गडचांदूर येथील मुस्लिम समाजा तर्फे त्याचा ईदगाह मैदानावर जमलेल्या हजारो मुस्लिम बाधवासमोर रजा मस्जिद कमिटी तर्फे शाल, पुष्प गुच्छ देऊन सत्कार करण्यात आला. ठाणेदार यांनी मौलाना हसनैन रजा याचा शाल देऊन सत्कार केला तसेच हाजी हनीफ मावडिया, रऊफ खान व मस्जिद चे मौलाना हसनैन रजा व मोजन याचा रफिक भाई निझमी यांच्या तर्फे सत्कार करण्यात आला. यावेळी समाजाचे वरिष्ठ हाजी मुनाफ कुरेशी, हाजी कादर सेठ यांनी मान्यवरांचा सत्कार केला. यावेळी मोठ्या संख्येने मुस्लिम बांधव हजर होते. यावेळी हाजी शब्बीर ढाकवला, हाजी सलीम किदिया, हाजी हनीफ मावडीया, रफिक निझामी, अजीम बेग, इम्रान पाशा शेख, साहेब आली  ठेकेदार, अंकुश भाई व सामाजिक दायित्व निभवत  राष्ट्रवादी चे नगरपरिषद उपाध्यक्ष शरद जोगी, माजी जि. प. सभापती अरुण भाऊ निमजे, नगर सेवक राहुल उमरे आदी  उपस्थित होते.