मोदी सरकारची पुन्हा डिजिटल स्ट्राइक खोटी माहिती पसरवणारे २२ यूट्यूब चॅनल ब्लॉक

• मोदी सरकारची पुन्हा डिजिटल स्ट्राइक
• खोटी माहिती पसरवणारे २२ यूट्यूब चॅनल ब्लॉक
• यात ४ युट्युब चॅनेल होते पाकिस्तानचे

आमचा विदर्भ - ब्युरो रिपोर्ट्स

नवी दिल्ली -

मोदी सरकार ने भारताची राष्ट्रीय सुरक्षा, परराष्ट्र संबंध आणि सार्वजनिक सुव्यवस्थेबद्दल चुकीची माहिती पसरवणारे २२ YouTube चॅनेल ब्लॉक केले आहेत. यातील ४ चॅनेल पाकिस्तानातील आहेत. याशिवाय 3 ट्विटर, एक फेसबुक अकाऊंट आणि एक न्यूज वेबसाइटही ब्लॉक करण्यात आली आहे. एएनआय या वृत्तसंस्थेने ही माहिती दिली आहे.

माहिती आणि प्रसारण मंत्रालयाने २२ यूट्यूब चॅनेलला फटकारले आहे. याशिवाय ३ ट्विटर अकाऊंट, एक ​​फेसबुक अकाउंट आणि एक न्यूज वेबसाईट ब्लॉक करण्यात आली आहे. २२ पैकी ४ यूट्यूब चॅनेल पाकिस्तानात आहेत. हे सर्व चॅनेल्स लोकांमध्ये भारताची राष्ट्रीय सुरक्षा, परराष्ट्र संबंध आणि सार्वजनिक सुव्यवस्था याबाबत चुकीची माहिती पसरवत होती.

यापूर्वी जानेवारी महिन्यात मोदी सरकारने ३५ यूट्यूब चॅनल ब्लॉक केले होते. २० जानेवारी रोजी मंत्रालयाला मिळालेल्या गुप्त माहितीच्या आधारे ३५ यूट्यूब चॅनेल, २ ट्विटर अकाउंट, २ इंस्टाग्राम अकाउंट, २ वेबसाइट आणि एक फेसबुक अकाउंट ब्लॉक करण्याच्या सूचना देण्यात आल्या होत्या. हे सर्व चॅनेल्स पाकिस्तानातून चालवली जात होती आणि खोट्या भारतविरोधी बातम्या आणि इतर साहित्य याद्वारे पसरवले जात होते.

गेल्या वर्षी डिसेंबरमध्ये गुप्तचर संस्थांच्या संयुक्त प्रयत्नात २० YouTube चॅनेल आणि दोन वेबसाइट ब्लॉक करण्याचे आदेश देण्यात आले होते. या वाहिन्या भारतविरोधी प्रचार आणि खोट्या बातम्याही पसरवत होत्या. 

तेव्हा माहिती आणि प्रसारण मंत्रालयाने सांगितले होते की या चॅनेलचा वापर "काश्मीर, भारतीय लष्कर, भारतातील अल्पसंख्याक समुदाय, राम मंदिर, जनरल बिपिन रावत इत्यादी विषयांवर समन्वितपणे फूट पाडणारा मजकूर पोस्ट करण्यासाठी" केला जात होता.