देशसेवा करू इच्छिणार्‍या तरुणांसाठी मोठी संधी

• देशसेवा करू इच्छिणार्‍या तरुणांसाठी मोठी संधी
• केंद्र सरकारची अग्निपथ भरती योजना
• तरुणांना तीन वर्षांसाठी सैन्यात भरती होण्याची संधी

आमचा विदर्भ - ब्युरो रिपोर्ट्स

केंद्र सरकारतर्फे अग्निपथ भरती योजनेला अंतिम रूप देण्यात येत आहे. या योजने अंतर्गत तरुणांना तीन वर्षांसाठी सैन्यात भरती होण्याची संधी मिळणार आहे. वरिष्ठ सरकारी सूत्रांनी दिलेल्या माहितीनुसार, तीन वर्षांच्या सेवेदरम्यान सैनिकाला अग्निवीर म्हणून ओळखले जाईल. त्यांच्यापैकी काहींना सेवेत कायम ठेवण्याचा पर्याय संरक्षण दलांकडे असेल. यामुळे सशस्त्र दलातील जवानांच्या प्रोफाइलची वयोमर्यादा कमी केली जाण्याची शक्यता आहे.

अग्निपथ हे भारतीय लष्कराच्या 'टूर ऑफ ड्यूटी एंट्री स्कीम' चे नवीन नाव आहे. तिन्ही सैन्यदलांतर्फे केंद्र सरकारला यासंदर्भात सादरीकरण देण्यात आले आहे. या योजनेनुसार, सैनिकांना अल्प-मुदतीच्या करारावर समाविष्ट केले जाणार आहे. तसेच या सैनिकांना प्रशिक्षित करुन विविध ठिकाणी तैनात केले जाणार आहे. विशिष्ट कार्यांसाठी विशेषज्ञ नियुक्त करण्याचा पर्याय देखील सैन्याकडे असणार आहे.

कोरोना प्रादुर्भावाच्या काळात सशस्त्र दलातील सैनिकांच्या भरतीवर विपरीत परिणाम झाला होता. सध्या तिन्ही दलांमध्ये मिळून १.२५ लाखांहून अधिक जागा रिक्त आहेत. आणखी काही बैठकांनंतर सरकार या प्रकल्पाची सविस्तर रूपरेषा जाहीर करणार आहे.
पहा ट्विटर

असा होणार तरुणांना फायदा

सैन्यदलातून सेवामुक्त झालेल्या सैनिकांना नागरी नोकऱ्यांमध्ये स्थान मिळण्यासाठी मदत केली जाणार आहे. प्रशिक्षित लष्करी, शिस्तबद्ध मनुष्यबळाची नियुक्ती केली जाणार असल्याने अनेक कॉर्पोरेट्सनी अशा 'अग्निव्हर्स' च्या सेवांचा लाभ घेण्यास स्वारस्य दाखवले आहे.ही योजना देशसेवा करू इच्छिणार्‍या तरुणांसाठी मोठी संधी असेल. पण आधीच्या अस्तित्वात असलेल्या सेवेच्या नियमांमुळे ते असे करू शकत नव्हते.