दगडाने डोके ठेचून दोघांची हत्या

• दगडाने डोके ठेचून दोघांची हत्या

आमचा विदर्भ - ब्युरो रिपोर्ट्स

गडचिरोली -

एटापल्ली तालुक्यातील हेडरी पोलिस उपविभागांतर्गत गट्टा पोलिस मदत केंद्राच्या हद्दीत पोलिस खबऱ्या असल्याच्या संशयावरून नक्षल्यांनी दोन युवकांची दगडाने डोके ठेचून हत्या केली. अशोक नरोटे वय 28 रा.गोरगुहा व मंगेश हिचामी वय 27 रा. झारेवाडा अशी मृतांची नावे आहेत. नक्षल्यांनी केलेल्या हत्या मधील एक ग्रामस्थ मंगेश हिचामी हा झारेवाडा येथील असून अशोक नरोटे हा आत्मसमर्पित नक्षलवादी होता अशी माहिती पोलिसांनी

दिली.

पोलीस मदत केंद्र गट्टा (जां) हद्दीमध्ये दिनांक 13 एप्रिल 2022 रोजी मंगेश मासा हीचानी वय 27 रा. झारेवाडा पो. गट्टा (जां) ता. एटापल्ली जि. गडचिरोली व नविन पेका नरोटे वय 25 रा. गोरगुट्टा पो. गट्टा (जां) ता. एटापल्ली या दोन निरपराध आदिवासी युवकांची पोलीस खबरी असल्याच्या संशयावरुन नक्षलवाद्यांनी क्रूर हत्या केली.

नक्षलवाद्यांनी मंगेश हिचामी यास दिनांक 13 एप्रिल 2022 रोजी रात्री 10.00 वाजता व नविन नरोटे यांस रात्रो 01.00 वाजता घरातुन बळजबरीने घेवुन गेले व त्यांची हत्या केली. या दोघांच्याही हत्येनंतर मंगेश हिचामी याचे मृतदेह झारेवाडा ते गट्टा रोडवर आणुन ठेवले तर नविन नरोटे याचे मृतदेह गोरगुट्टा ते गिलनगुडा रोडवर आणुन ठेवले होते. या दोघांचे मृतदेह त्यांच्या गावापासून काही अंतरावर रक्ताच्या थारोळ्यात आढळून आले. 

घटनेची माहिती पोलिसांना मिळताच पोलिसांनी नक्षल्यांची शोध मोहिम सुरु केली आहे. यासाठी पोलिसांनी कुमक वाढवली आहे. गडचिरोली येथील सुरजागड लोहखनिज टेकड्यांवर कार्यक्रमाचे आयोजन करण्यात आले होते.