वादग्रस्त केटीसी लोजेस्टिक कंपनीची वाणिज्य वापराची परवानगी (NATP) रद्द करण्याची मागणी

• वादग्रस्त केटीसी लोजेस्टिक कंपनीची वाणिज्य वापराची परवानगी (NATP) रद्द करण्याची मागणी
• माहिती अधिकार अधिनियम २००५ अंतर्गत मिळालेल्या माहिती नंतर केली होती तक्रार
• महसूल विभागाच्या मौक्या पंचनाम्यात धक्कादायक खुलासे 
• कंपनीचे सर्विस स्टेशन व डीजल पंप स्थापना अवैध

धनराजसिंह शेखावत - आमचा विदर्भ प्रतिनिधी

गडचांदूर -

राजुरा-गड़चांदूर हाइवे वर सुखकर्ता मंगल कार्यालया लगत तेलंगाना येथील ट्रांसपोर्ट कंपनी मे केटीसी लोजेस्टिक यांचे सर्विस स्टेशन व डीजल पंप चौकशीअंती अवैधरित्या स्थापित झाल्याचे दिसुन आले. सामाजिक कार्यकर्ते रोहीत सिंगाड़े यांनी माहिती अधिकार अधिनियम २००५ अंतर्गत प्राप्त माहिती नंतर झालेल्या तक्रारानंतर झालेल्या मौका पंचनाम्यात अनेक धक्कादायक खुलासे उघड़कीस आले आहे. मौका पंचनाम्या प्रमाणे वाणिज्य वापराच्या प्रयोजनार्थ देण्यात आलेल्या वाणिज्य अकृषक परवानगीच्या अटी व शर्तीचा स्पष्टरीतीने भंग झाला आहे. त्यामुळे केटीसी कंपनीच्या डिझेल पंप व सर्व्हिस स्टेशनला देण्यात आलेली वाणिज्य वापर NATP रद्द करण्याची मागणी होत आहे.

२५ फेब्रुवारी रोजी मंडल अधिकारी नारायण चव्हाण व तलाठी सोहेल अंसारी यांनी केलेल्या मौक्का चौकशीत दिसुन आले. चौकशी सुरु असताना मे केटीसी कंपनीच्या कर्मचारी व मैनेजर यांनीचौकशी अधिकारी सोबत शाब्दिक बाचाबाची केली व त्यांनी शासकीय कामात अडथळा आणण्याचा प्रयत्न केला तरीही मंडळ अधिकारी नारायण चव्हाण व तलाठी यांनी विरोधाला न जुमानता चौकशी केली हे विशेष.

विस्तृत माहिती अशी की सन २०१८ मध्ये विविध अटी व शर्तिला धरून तत्कालीन तहसीलदार यांनी मे केटीसी लोजेस्टिक कंपनीला वाणिज्य वापराची अकृषक परवानगी देण्यात आली. राजुरा-गडचांदूर मुख्य मार्गावर येण्यास यांनी स्वताचा अप्रोच रोड तयार केला नाही. ग्रामपंचायत थुटरा येथून कोणतीही बांधकाम परवानगी न घेता बांधकाम केलेले आहे. अग्निशमन पुरेशी व्यवस्था केली नाही. नकाशातील ओपन स्पेस प्रमाणे विकास न करता रस्त्याचे बांधकाम इतर ठिकाणाहून करण्यात आला आहे. मौक्या ठिकाणी सर्व नियम धाब्यावर बसवून डिझेललपंप लावण्यात आले आहे. मौका पंचनाम्याप्रमाणे वाणिज्य वापराच्या प्रयोजनार्थ देण्यात आलेल्या वाणिज्य अकृषक परवानगीच्या अटी व शर्ती स्पष्टरीतीने भंग झाल्या आहे. याचाच अर्थ असा की ज्यांच्या खांद्यावर शासकीय नियमाची व कायद्याचे संरक्षण करण्याची जबाबदेही असते. तेच महसूल अधिकारी कसे कायदा तुड़वतात हे यावरून स्पष्ट सिद्ध होते आहे . 

या पूर्व्हीही मे केटीसी लोजेस्टिक कंपनीवर मोठ्या प्रमाणावर अवैध गौण खनिजचा वापर केल्याचा आरोप झाला होता. त्या प्रकरणात फेरतपासणीच्या नावाखाली तीन तीन वेळा पंचनामा करण्यात आला होता. शेवटी कोरपना तहसीलदारांनी केटीसी कंपनीला अवैध गौण खनिज चोरी प्रकरणात दोषी ठरवून कंपनीवर 13 लाख रु. चे दंड आकारण्यात आले होते. परंतु अजूनपर्यंत त्यांनी दंड भरला कि नाही याबद्दल अस्पष्टता आहे. केटीसी लॉजिस्टिक्स कंपनीच्या आता ह्या नवीन प्रकरणाची चौकशी मा. जिल्हाधिकारी चंद्रपुर हे उपविभागीय राजुरा यांचे वतीने करीत आहेत. आता प्रस्तुत पंचनामा अहवालावर कोरपना तहसीलदार महेंद्र वाकलेकर काय कारवाई करतात ह्याकडे सर्व नागरीकांचे लक्ष लागले आहे.