कवठाळा आरोग्य केंद्रात नेत्र तपासणी व मोफत चष्मे वितरित

• कवठाळा आरोग्य केंद्रात नेत्र तपासणी व मोफत चष्मे वितरित
• ३८५ लाभार्थ्यांची नेत्र तपासणी

धनराजसिंह शेखावत - आमचा विदर्भ प्रतिनिधी

गडचांदुर -

कोरपना तालुक्यातील कवठाळा प्राथमिक आरोग्य केंद्रात आरोग्य विभागातर्फे नेत्र तपासणी करून मोफत चष्मे वाटप शिबिराचे आयोजन करण्यात आले होते. या कार्यक्रमाचे अध्यक्ष जिप सदस्य शिवचंद्र काळे होते. तर उद्घाटक म्हणून जिप सदस्य वीणा मालेकर उपस्थित होत्या. कवठाळाचे सरपंच नरेश सातपुते याप्रसंगी उपस्थित होते. या शिबिरात एकूण ३८५ लाभार्थ्यांना नेत्र तपासणी करून मोफत चष्मे वाटप करण्यात आले. कवठाळा व परिसरातील नागरिकांनी शिबिराचा लाभ घेतला. कार्यक्रमाच्या यशस्वीतेसाठी डॉ. बावने, डॉ. तडवी, आरोग्य सहाय्यक खामनकर, आरोग्य सेवक माथनकर, वाघमारे, दुपारे, कुळमेथे आदींनी सहकार्य केले.