ग्लोरीयस फाउंडेशनच्या वतीने विविध ठिकाणी आरोग्य शिबीराचे आयोजन

• ग्लोरीयस फाउंडेशनच्या वतीने विविध ठिकाणी आरोग्य शिबीराचे आयोजन

विरेंद्र पुणेकर - आमचा विदर्भ प्रतिनिधी

राजुरा -

राजुरा तालुक्यातील रमाबाई नगर वार्ड राजुरा, विहिरगाव, धानोरा आणि पांढरपौणी येथे ग्लोरीयस फाउंडेशन राजुराच्या वतीने नगराध्यक्ष अरुण धोटे यांच्या अध्यक्षतेखाली तज्ञ डॉक्टरांच्या मार्गदर्शनाखाली आरोग्य शिबीराचे आयोजन करण्यात आले. रामचंद्रराव धोटे प्राथमिक शाळा, रमाबाई नगर, राजुरा येथे तर विहिरगाव, धानोरा आणि पांढरपौणी येथे एकूण १८०० नागरिकांनी आरोग्य शिबीराचा लाभ घेतला. यात प्रत्येक नागरिकांना औषधे सुध्दा देण्यात आले. 

या प्रसंगी डॉ. जेस्सी, डॉ. ज्योएल बाबू, डॉ. निस्से जेरूशा, डॉ. सरोजा व नर्सेस फादर सचिन मुद्देला, फादर आमिन, फादर नितेश, फादर जाॅन स्टान्ली यांच्या मार्गदर्शनाखाली जनरल चेकप, आय चेकप, बल्ड शुगर चेकप, बल्ड प्रेशर अशा रुग्णांना मोफत निदान व सेवा पुरविण्यात आल्या. 

 या प्रसंगी नगराध्यक्ष अरुण धोटे, काँग्रेसचे तालुकाध्यक्ष रंजन लांडे, नगरसेवक हरजितसिंग संधू, अँड. चंद्रशेखर चांदेकर, अभिजीत धोटे, ग्लोरीयस फाउंडेशनचे अध्यक्ष सुरेश लोखंडे, विहिरगावचे सरपंच अँड. रामभाऊ देवईकर, इर्शाद शेख, सुधीर लांडे, वैद्यकीय अधिकारी, कर्मचारी यासह स्थानिक नागरिक उपस्थित होते.