न्यायालयासमोरच बंदुकीचा धडाका; राजुरात गोळीबाराने खळबळ

टपरीवर बसलेल्या इसमावर जवळून गोळ्या; अज्ञात हल्लेखोर पसार

पोलीस निरीक्षक नितीन चिंचोलकरांसह फॉरेन्सिक टीम घटनास्थळी

सविस्तर माहिती करिता बातमी वाचा

आमचा विदर्भ - दीपक शर्मा 

राजुरा (दि. २४ ऑगस्ट २०२६) -

        राजुरा शहरातील न्यायालयासमोर सोमवारी दुपारच्या सुमारास गोळीबाराची धक्कादायक घटना घडल्याने परिसरात एकच खळबळ उडाली. न्यायालयासमोरील प्रदीप बारच्या बाजूला असलेल्या टपरीवर बसलेल्या एका इसमावर अज्ञात हल्लेखोराने जवळून गोळ्या झाडल्याची प्राथमिक माहिती समोर आली आहे. या हल्ल्यात पापा उर्फ विनोद जाधव, वय अंदाजे ३५ वर्षे, रा. सोमनाथपूर वॉर्ड, राजुरा, हे जखमी झाल्याचे सांगण्यात येत आहे. गोळ्या लागल्यानंतर विनोद जाधव हे जमिनीवर कोसळले. हल्लेखोराने गोळीबार केल्यानंतर घटनास्थळावरून तातडीने पलायन केले. घटना घडताच परिसरातील नागरिकांनी जखमी विनोद जाधव यांना तातडीने उचलून उपजिल्हा रुग्णालयात दाखल करण्यासाठी हलविले. गोळीबाराच्या घटनेची माहिती मिळताच घटनास्थळी नागरिकांची मोठी गर्दी झाली.

        दरम्यान, पोलीस निरीक्षक नितीन चिंचोलकर हे पोलीस पथकासह घटनास्थळी दाखल झाले. फॉरेन्सिक टीमलाही पाचारण करण्यात आले असून घटनास्थळाची पाहणी करून गोळीबाराच्या घटनेतील पुरावे संकलित करण्याचे काम सुरू असल्याची माहिती आहे. हल्लेखोर कोण होते आणि गोळीबारामागील नेमके कारण काय, याचा तपास पोलीस करीत आहेत.

        राजुरा शहरात सोमवारी सायंकाळी सुमारे ६ वाजताच्या सुमारास तालुका न्यायालयासमोरील परिसरात झालेल्या गोळीबाराने शहर हादरले. न्यायालयासमोरील प्रदीप बारच्या बाजूला असलेल्या नारळपाणी विक्रीच्या दुकानाजवळ बसलेल्या विनोद उर्फ पापा जाधव यांच्यावर मोटारसायकलवरून आलेल्या दोन तरुणांनी समोरासमोर गोळीबार केल्याची धक्कादायक घटना घडली. या हल्ल्यात जाधव गंभीर जखमी झाले असून त्यांची प्रकृती चिंताजनक असल्याची माहिती आहे.

        मिळालेल्या माहितीनुसार, सोमनाथपूर वॉर्ड, राजुरा येथील रहिवासी विनोद उर्फ पापा जाधव हे नेहमीप्रमाणे नारळपाणी विक्रीच्या दुकानाजवळ बसले होते. त्याचवेळी मोटारसायकलवरून दोन तरुण तेथे आले. त्यापैकी एका तरुणाने जाधव यांच्या दिशेने अचानक गोळीबार केला. जवळून झालेल्या या हल्ल्यात गोळ्या लागल्याने जाधव जागीच जमिनीवर कोसळले. गोळीबारानंतर दोन्ही हल्लेखोर मोटारसायकलवरून घटनास्थळावरून पसार झाले. अचानक झालेल्या गोळीबारामुळे न्यायालय परिसरासह संपूर्ण परिसरात एकच खळबळ उडाली. काही क्षणांतच घटनास्थळी नागरिकांची मोठी गर्दी जमा झाली. नागरिकांनी जखमी जाधव यांना तातडीने राजुरा उपजिल्हा रुग्णालयात दाखल केले. तेथे प्राथमिक उपचार केल्यानंतर प्रकृती गंभीर असल्याने त्यांना पुढील उपचारासाठी चंद्रपूर जिल्हा रुग्णालयात रेफर करण्यात आले.

        घटनेची माहिती मिळताच पोलीस निरीक्षक नितीन चिंचोलकर पोलिस पथकासह घटनास्थळी दाखल झाले. फॉरेन्सिक टीमलाही पाचारण करण्यात आले असून घटनास्थळाची पाहणी, पंचनामा आणि उपलब्ध पुरावे संकलित करण्याचे काम पोलिसांकडून करण्यात येत आहे. हल्लेखोरांचा शोध घेण्यासाठी पोलिसांनी तपास सुरू केला आहे.

हल्ल्याचे नेमके कारण अद्याप अस्पष्ट

        विनोद उर्फ पापा जाधव यांच्यावर हल्ला नेमका कोणत्या कारणातून करण्यात आला, याबाबत अद्याप अधिकृत माहिती समोर आलेली नाही. हल्लेखोरांची ओळखही अद्याप स्पष्ट झालेली नसून पोलिसांकडून विविध दिशांनी तपास सुरू आहे. गोळीबारातील आरोपींचा शोध घेणे हे पोलिसांसमोरचे प्रमुख आव्हान आहे.

राजुरात गोळीबाराच्या घटनांनी पुन्हा चिंता वाढवली

        राजुरा शहरात यापूर्वीही गोळीबाराच्या गंभीर घटना घडल्या आहेत. २३ जुलै २०२४ रोजी शिवज्योतसिंह देओल यांची गोळीबारात हत्या करण्यात आली होती. त्यापूर्वी २३ जुलै २०२३ रोजी पूर्वशा डोहे यांचा गोळीबारात दुर्दैवी मृत्यू झाला होता. तसेच त्यापूर्वी ट्रान्सपोर्ट व्यावसायिक राजू यादव यांचीही गोळ्या झाडून हत्या करण्यात आली होती. या पार्श्वभूमीवर आता न्यायालयासारख्या महत्त्वाच्या ठिकाणासमोर पुन्हा गोळीबाराची घटना घडल्याने नागरिकांच्या सुरक्षेचा प्रश्न ऐरणीवर आला आहे. शहरात यापूर्वी घडलेल्या गोळीबाराच्या घटनांनंतर आता पुन्हा गोळीबार झाल्याने नागरिकांमध्ये भीतीचे वातावरण निर्माण झाले आहे.

        आरोपींना तातडीने अटक करून कठोर कारवाई करावी, तसेच शहरातील संवेदनशील परिसरांमध्ये पोलिसांची गस्त आणि सुरक्षा वाढवावी, अशी मागणी नागरिकांकडून केली जात आहे. या प्रकरणात पोलिसांच्या तपासातून गोळीबारामागील नेमके कारण, हल्लेखोरांची ओळख आणि घटनेमागील इतर बाबी समोर येण्याची शक्यता आहे.

टीप : जखमीची प्रकृती, गोळीबारातील नेमक्या गोळ्यांची संख्या आणि आरोपींची ओळख याबाबत अधिकृत पोलीस माहिती उपलब्ध झाल्यानंतरच निश्चित माहिती देता येईल.

#Rajura #RajuraNews #RajuraBreakingNews #RajuraFiring #RajuraCrime #Chandrapur #ChandrapurNews #ChandrapurCrime #BreakingNews #MaharashtraNews #CrimeNews #FiringIncident #PoliceInvestigation #VinodJadhav #RajuraPolice #LatestNews #VidarbhaNews #Vidarbha #MaharashtraBreakingNews #RajuraCourt