ब्लॅक डायमंड इंटरनॅशनल स्कूल राजुराचा वर्षपूर्ती सोहळा उत्साहात साजरा

• ब्लॅक डायमंड इंटरनॅशनल स्कूल राजुराचा वर्षपूर्ती सोहळा उत्साहात साजरा

आमचा विदर्भ - ब्युरो रिपोर्ट्स

राजुरा -

विधाता फाउंडेशन राजुरा द्वारे संचालित रामनगर कॉलनी येथील ब्लॅक डायमंड इंटरनॅशनल प्री स्कूल येथे शाळेचा वर्षपूर्ती सोहळा उत्साहात साजरा करण्यात आला. वर्षपूर्ती उत्सव सोहळा निमित्त शाळेमध्ये मुलांकरिता विविध स्पर्धांचे आयोजन करण्यात आले होते. तसेच मुलांच्या पाल्यांकरिता सुद्धा विविध स्पर्धांचे आयोजन करण्यात आले. स्पर्धांमध्ये विजेत्या विद्यार्थ्यांना मान्यवरांच्या हस्ते पुरस्कार देऊन त्यांचा गौरव करण्यात आला.  शाळेचा वर्षपूर्ती सोहळा निमित्य आयोजित समारोप कार्यक्रमात शाळेकरिता शहराच्या मोक्यावर इमारत उपलब्ध करून दिल्याबद्दल शहरातील प्रतिष्ठित व्यापारी अडानिया दाम्पत्याचा शाल व श्रीफळ देऊन सत्कार करण्यात आला. 

कार्यक्रमाला अध्यक्ष म्हणून व्यवस्थापकीय संचालक संजय पिंपळेशेंडे यांनी विद्यार्थ्यांना मार्गदर्शन केले. याप्रसंगी सल्लागार सदस्य संदीप मालेकर,  व सौ जयश्री मालेकर यांची विशेष उपस्थिती होती. केंद्र संचालक ॲड. मनोज काकडे यांनी शाळेच्या प्रगतीची माहिती सर्व पालक वर्गाला करून दिली. तसेच शाखाप्रभारी सौ शुभांगी धोटे, सूत्रधार मोहन धोटे, समन्वयक सौ. बेनझीर अजानी या उपस्थित होत्या. संचालन सौ. शुभांगी धोटे व सौ प्रीती चन्ने यांनी केले तर आभार कुमारी आलिया शेख यांनी मानले. कार्यक्रमात मोठ्या संख्येने पालक व विद्यार्थीगण उपस्थित होते. पालकांनी शाळेच्या प्रगतीचे कौतुक केले.