युवा संसदेचे आयोजन

• युवा संसदेचे आयोजन
• जिल्ह्यातील राष्ट्रीय सेवा योजनेच्या स्वयंसेवकांची निवड प्रक्रियेसाठी आभासी पद्धतीने स्पर्धा

विरेंद्र पुणेकर - आमचा विदर्भ प्रतिनिधी

राजुरा -

युवक कल्याण व क्रीडा मंत्रालय भारत सरकार च्या वतीने दरवर्षी राष्ट्रीय युवा संसदेचे आयोजन केले जाते, कोविड-19 च्या प्रकोपामुळे जिल्हा स्तरावरील प्रक्रिया आभासी पद्धतीने घेण्यात येत आहे आणि त्यासाठी त्याची निवड प्रक्रिया जिल्हा स्तरावरून सुरू झाली असून आज दिनांक 18 फेब्रुवारी 2022 ला चंद्रपूर जिल्ह्यातील राष्ट्रीय सेवा योजना च्या स्वयंसेवकांची निवड प्रक्रियेसाठी आभासी पद्धतीने स्पर्धा घेण्यात आली यामध्ये 7 स्वयंसेवकांनी बेटी बचाव बेटी पढाव, डिजिटल इंडिया, स्किल इंडिया, अतुल्य भारत, स्वच्छ भारत, स्वस्थ भारत अशा वेगवेगळ्या विषयावर व्यक्त होऊन भाग घेतला, ही जिल्हा स्तरीय युवा संसद, गोंडवाना विद्यापीठ गडचिरोली च्या रासेयो कक्षाचे संचालक डॉ श्याम खंडारे यांच्या मार्गदर्शनाखाली चंद्रपूर जिल्हा समन्वयक डॉ विजया गेडाम यांनी या स्पर्धेचे आयोजन केले, या जिल्हा युवा संसदेसाठी विशेष अतिथी तथा परिक्षक म्हणून नेहरू युवा केंद्राचे जिल्हा समन्वयक श्री शमशेर सुभेदार उपस्थित होते तर परीक्षक म्हणून प्रा. गुरुदास बल्की, प्रा. जगदीश चिमूरकर, डॉ. प्रकाश वट्टि, डॉ. पितांबर पिसे व डॉ. शरद बेलोरकर यांनी काम पाहिले.

राष्ट्रीय युवा संसद ही ग्रामीण भागातील विद्यार्थ्यांना राष्ट्रीय स्तरावर नेतृत्व करण्यासाठी मोठे व्यासपीठ आहे असे प्रतिपादन श्री सुभेदार यांनी यावेळी केले. सदर कार्यक्रमाचे सूत्रसंचालन प्रा. गुरुदास बल्की यांनी तर आभार डॉ विजया गेडाम यांनी केले.