विरुरात रक्तदान करून शिवजयंती साजरी

• विरुरात रक्तदान करून शिवजयंती साजरी

अविनाश रामटेके - आमचा विदर्भ प्रतिनिधी

विरुर स्टेशन -

राजुरा तालुक्यातील विरुर स्टेशन येथे छत्रपती शिवाजी महाराज मित्र मंडळ विरुर यांच्या नेतृत्वाखाली शिवाजी चौक येथे विविध उपक्रम राबवून मोठया उत्साहात छत्रपती शिवाजी महाराज यांची जयंती साजरी करण्यात आली. सर्वप्रथम छत्रपती शिवाजी महाराज व डॉ बाबासाहेब आंबेडकर यांच्या प्रतिमेला पुष्पमाला अर्पण करून अभिवादन करण्यात आले यावेळी राहुल चव्हाण ठाणेदार विरुर, सुरेंद्रपल सिंग बावेजा, भीमराव पाला सुधाकर मोरे, अजितसिंग टाक, शाहू नारनवरे, अविनाश रामटेके हे प्रामुख्याने उपस्थित होते. 

शिवजयंतीचे औचित्य साधून रक्तदान शिबिराचे आयोजन करण्यात आले यावेळी विरुर येथिल ठाणेदार राहुल चव्हाण यांच्यासह 52 युवकांनी रक्तदान करून उत्साहात अधिकच भर पाडला तसेच यावेळी ई श्रमदान कार्ड, ई पासेस, पॅन कार्ड व आधार कार्ड लिंक या मोफत सुविधांचा विरूरतील व विरुर परिसरातील अनेक नागरीकांनी लाभ घेतला. तसेच कार्यक्रमच्या शेवटी भोजनदान देऊन कार्यक्रमाची सांगता करण्यात आली.

कार्यक्रमाच्या यशस्वितेकरिता तुषार मोरे, योगेश बक्षी, प्रणय येरोजवार, इरफान सय्यद, स्वप्नील भोसकर, सुरज भोसकर, प्रीतम झाडे, विक्की मोरे, नयन उराडे, शुभम उराडे, सचिन फटले, संतोष भावा उपरे, विक्की विश्वास यांनी परिश्रम घेतले.