धिडशी येथे विविध विकासकामांचे भूमिपूजन संपन्न

• धिडशी येथे विविध विकासकामांचे भूमिपूजन संपन्न
• जिप कृषी व पशुसंवर्धन सभापती सुनिल उरकूडे यांच्या माध्यमातून गावच्या विकासाकरिता ८४.७२ लक्ष रुपयांचा निधी उपलब्ध 
• विविध उपक्रमाच्या माध्यमातून राजांची जयंती साजरी

विरेंद्र पुणेकर - आमचा विदर्भ प्रतिनिधी

राजुरा -

शिवजयंतीचे औचित्य साधून मौजा धिडशी येथे जिप कृषी व पशुसंवर्धन सभापती सुनिल उरकुडे यांच्या मार्फत एकूण ८४.७२ लक्ष रुपयाच्या विकास निधीचे भूमिपूजन करण्यात आले. सुनिल उरकुडे यांनी आपल्या भाषणात सांगितले कि,धिडशी सारख्या होतकरू गावांना भौतिक सुविधांकरीता समोर पण निधी उपलब्ध करुन दिला जाईल. जिप मार्फत धिडशी गावाला विक्रमी निधी उपलब्ध करुन दिल्याबद्दल गावकऱ्यांनी सभापती यांचे आभार मानले.

यानिधीतून सिमेंट काँक्रिट रोडला १० लक्ष रुपये, सिमेंट काँक्रिट नालीला ५ लक्ष रुपये, आरओप्लांट बसविण्याकरिता ५ लक्ष रुपये, वर्ग खोल्या बांधकाम करिता २२ लक्ष रुपये, मुख्य जलवाहिनीचे काम करण्याकरिता २८ लक्ष रुपये, हायमास्ट लावण्याकरिता १.७२ लक्ष रुपये, बंधारा बांधकाम करिता १३ लक्ष रुपये, एकूण ८४.७२ लक्ष रुपयांचा विकासकामांचे भूमिपूजन संपन्न झाले.

याप्रसंगी उद्घाटक म्हणून माजी आमदार अँड. संजय धोटे, अध्यक्षस्थानी माजी आमदार सुदर्शन निमकर, जिप कृषी व पशुसंवर्धन सभापती सुनिल उरकुडे, प्रमुख पाहुणे म्हणून भाजयुमो महाराष्ट्र उपाध्यक्ष रघुवीर हंसराज अहिर, नगरसेवक राजू डोहे, भाजपा तालुका महामंत्री दिलीप वांढरे, माथरा सरपंच हरिदास झाडे, धिडशी सरपंच रीता हनुमंत, उपसरपंच राहुल सपाट, राहुल सूर्यवंशी, सचिन शेंडे, रवी गायकवाड, ग्राम सदस्य संतोष काकडे, विनोद कोरडे, मायाबई जिवतोडे, सिंधुबाई निखाडे, मंगला धोके, तंटा मुक्ती समिती अध्यक्ष बंडू काकडे, सुरेश कौराशे, विशाल कौराशे ग्रामसेवक प्राजक्ता अडगोकर व बहुसंख्य ग्रामस्थ उपस्थित होते.