ना.नवाब मलिकांचा राजीनामा घ्या, अन्यथा तीव्र आंदोलन राजुरा भाजपाचा इशारा

• ना.नवाब मलिकांचा राजीनामा घ्या, अन्यथा तीव्र आंदोलन
• राजुरा भाजपाचा इशारा
• राज्य सरकारच्या विरोधात निदर्शने, निषेध व तहसीलदारांना दिले निवेदन

विरेंद्र पुणेकर - आमचा विदर्भ प्रतिनिधी

राजुरा -

मागील काही महिन्यांपासून महाविकास आघाडी सरकारच्या मंत्र्यांवर गंभीर स्वरूपाचे आरोप लागत आहे. बुधवारी असाच एक आरोप अल्पसंख्यांक मंत्री नवाब मलिक यांच्यावर सक्तवसुली संचालनालय (ईडी) ने चौकशीअंती लावून ना. मलिक यांना अटक केली आहे. तरी त्यांना मंत्रीपदावर कायम ठेवून सरकार पाठराखण करीत आहे. याचा निषेध नोंदविण्यासाठी भारतीय जनता पार्टी राजुरा तर्फे राज्याचे मुख्यमंत्री उद्धवसाहेब ठाकरे यांना तहसीलदार राजुरा यांचे मार्फत निवेदन देण्यात आले. यावेळी भाजपच्या नेत्यांनी राज्य सरकारने ना.नवाब मलिक यांचा राजीनामा घ्यावा अन्यथा भाजपा तीव्र आंदोलन छेडेल असा इशारा दिला.

निषेध आंदोलनात व निवेदन देते वेळी भाजपा आदिवासी आघाडी जिल्हाध्यक्ष वाघुजी गेडाम, अरूण मस्की, भाजपा जिल्हा उपाध्यक्ष सतीश धोटे, वेकोलि प्रकल्पग्रस्तांसाठी लढा देणारे अँड. इंजि. प्रशांत घरोटे, नगरसेवक राजु डोहे, खामोनाचे सरपंच हरिदास झाडे, दिलीप वांढरे, संजय पावडे, जनार्धन निकोडे, विलास खिरवटकर, शंकर नळे, पराग दातारकर, कैलास कार्लेकर, दीपक झाडे तसेच अन्य भाजपा पदाधिकारी व कार्यकर्ते उपस्थित होते.