कोळसा चोरून नेताना ट्रक पकडला महाराष्ट्र सुरक्षा बलाची कामगिरी

• कोळसा चोरून नेताना ट्रक पकडला
• महाराष्ट्र सुरक्षा बलाची कामगिरी

आमचा विदर्भ - ब्युरो रिपोर्ट्स

राजुरा -

वेकोलिच्या बल्लारपुर क्षेत्रात येणाऱ्या गोवरी ओपनकास्ट कोळसा खाणीमधून 4 फेब्रुवारीला रात्री 11 वाजता ट्रकमध्ये कोळसा भरून चेक पोस्टमधून नेतांना महाराष्ट्र सुरक्षा बलाच्या जवानांनी शिताफीने पाठलाग करून पकडला. मात्र यावेळी ट्रक चालक पळून गेला. महाराष्ट्र सुरक्षा दलाचे जवान प्रदीप सानप, प्रवीण सोनोने आणि वेकोलिचे सुरक्षा प्रहरी रामास्वामी रोढा हे गोवरी चेक पोस्ट क्रमांक एक येथे कर्तव्यावर असताना ट्रक क्रमांक एमएच 40वाय 4314 हा कोळसा भरलेला ट्रक जाताना दिसला. या ट्रक चालकाने नोंदणीसाठी ट्रक न थांबविल्याने सुरक्षा जवानांनी ट्रकचा पाठलाग करून चेक पोस्ट पासून शंभर मिटर अंतरावर पकडला. मात्र, ट्रकचालक ट्रक सोडून पळून गेला. बारा चाकी असलेल्या या ट्रकची किंमत अंदाजे 6 लाख व 20 टन कोळश्याची किंमत 30 हजार असा एकूण 6 लाख 30 हजार रुपये किंमतीचा मुद्देमाल हस्तगत केला. चोरीची सर्व माहिती महाराष्ट्र सुरक्षा बलाचे वरिष्ठ अधिकारी विक्रम दोडके व वेस्टर्न कोल्फील्ड लिमिटेडचे सुरक्षा अधिकारी राजूरकर यांना दिली. त्यांच्या आदेशानुसार सुरक्षा रक्षक निरंजन पाटील यांनी राजुरा पोलीस ठाणे येथे तक्रार दाखल करीत कोळसा व ट्रक जमा केला. या प्रकरणी आरोपी विरुद्ध भादंवि कलम 379 नुसार गुन्हा दाखल करण्यात आला आहे. राजुरा पोलिस ठाण्याचे सहाय्यक पोलिस निरीक्षक प्रशांत साखरे, कुळमेथे, संपत पलीपाका हे अधिक तपास करीत आहेत.