- खासगी रिसॉर्टमागे नवजात बाळ सापडले
- चंद्रपुरातील ताडोबात खळबळ
- पोलिसांकडून तपास सुरू
शशी ठक्कर - आमचा विदर्भ प्रतिनिधी
चंद्रपूर -
वाघांसाठी प्रसिद्ध असलेल्या ताडोबा व अंधारी अभयारण्यातील आगरझरी येथे असलेल्या एका खाजगी रिसॉर्टच्या मागे नवजात शिशु सापडल्याने खळबळ उडाली आहे. ही घटना शनिवारी सकाळी उघडकीस आली. दरम्यान या बाळाला गावातील पोलीस पाटील यांच्या घरी ठेवण्यात आले आहे. याप्रकरणी दुर्गापूर पोलिसांना माहिती देण्यात आली असून पोलीस अधिक चौकशी करत आहेत.
जानेवारी महिन्यात ताडोबा, अंधारी अभायारण्यात पर्यटकांची गर्दी अधिक असते. त्यामुळं इथे फिरायला येणाऱ्या पर्यटकांपैकी कोणी हा प्रकार केला आहे की स्थानिक नागरिकांनीच रिसॉर्टच्या बाहेर बाळ ठेवून दिलं. याबाबत अद्याप माहिती मिळाली नाहीये. या प्रकरणी पोलिस अधिक तपास करत आहेत.
आगरझरी येथील एका खाजगी रिसॉर्टमध्ये बाहेरील पर्यटक मोठ्या प्रमाणात येत असतात. त्यामुळे हे नवजात बाळ कोणी ठेवून दिलं या बाबत तर्क- वितर्क लढवण्यात येत आहेत. दरम्यान, नवजात बाळ सुखरूप असून त्याची प्रकृतीही उत्तम असल्याची माहिती आहे. तसंच, बाळ दिसायला देखील गोंडस असल्याचे सांगण्यात येत आहे. दरम्यान ही घटना उघडकीस आल्याने खळबळ उडाली आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.