मंगी येथील ग्रामवासियांची विकासशीलता समाजोपयोगी - सुनील उरकुडे

• मंगी येथील ग्रामवासियांची विकासशीलता समाजोपयोगी - सुनील उरकुडे
• स्मार्ट ग्राम मंगी येथे जिप कृषी व पशुसंवर्धन सभापती सुनील उरकुडे यांनी दिली भेट

विरेंद्र पुणेकर - आमचा विदर्भ प्रतिनिधी

राजुरा -

मंगी ग्रामवासियांच्या आग्रहास्तव जिप कृषी व पशुसंवर्धन सभापती सुनील उरकुडे यांनी भेट दिली. उरकुडे यांनी गावात प्रवेश केला तेव्हा मंगी येथील ग्रामवासियांनी थाटात स्वागत केले.

उरकुडे यांना मंगी येथील नागरिकांनी संपूर्ण गाव दाखविला. त्यामध्ये मंगी येथील पाण्याचे स्त्रोत व दुष्काळग्रस्त गावात पाण्याची पातळी कशी वाढवली याची माहिती दिली. नंतर गावातील सार्वजनिक वाचनालय दाखवले व तिथे होणारे शेतकरी प्रशिक्षण कसे दिले जातात याची माहिती दिली. गावातील लोकवर्गणीतून झालेल्या विकासाबद्दल माहिती दिली.

स्मार्ट ग्राम मंगी चा विकास आराखडा रचणारे जिप शिक्षक व गावचे असामान्य व्यक्तिमत्व तोडसाम गुरुजी यांचा सत्कार सभापती उरकुडे यांनी केला व बोलताना प्रत्येक गावातील शिक्षक तोडसाम गुरुजी यांच्या वार्तनानुसर चालले तर कोणताही गाव विकासापासून वंचित राहणार नाही.तसेच कृषी क्षेत्रात मंगी येथील युवक शंकर तोडासे यांनी गावात अभुतपुर्व कार्य केल्याबद्दल कृषी सभापती या नात्याने त्यांचा सुद्धा सत्कार करण्यात आला. त्यानंतर गावातील शाळेची पाहणी केली व लोकांनी मागितलेल्या विकासकामांचा सर्वतोपरी पाठपुरावा करू असे मंगी ग्रामवासियांना आश्वस्त केले.

या संगी ग्रापं उपसरपंच वासुदेव चापले, ग्राम विकास समिती अध्यक्ष परशुराम तोडसाम गुरुजी, दिपक झाडे, मुख्याध्यापक रत्नाकर भेंडे, गोरे, शंकर तोडसे, प्रकाश वेडमे, अजय बांदुरकर, गणपत चापले, आनंदराव मळपती, शामराव कन्नाके, पुंजाराम गेडाम, गणपत कोडापे, रमेश कोडापे, बालाजी गेडाम, सचिव गजानन वंजारे, किसन कोडापे, दिनेश राठोड व मंगी ग्रामवासिय उपस्थित होते.