अवैधरित्या गोवंशाची तस्करी करताना आठ जनावरे व पिकअप सह दोन आरोपींना घेतले ताब्यात

• अवैधरित्या गोवंशाची तस्करी करताना आठ जनावरे व पिकअप सह दोन आरोपींना घेतले ताब्यात
• लाठी पोलिसांची कारवाई

अविनाश रामटेके - आमचा विदर्भ प्रतिनिधी 

विरुर स्टेशन -

गोंडपिपरी तालुक्यातील दरूर ते पोडसा मार्गे तेलंगणात गोवंशाची तस्करी करणारे पिकअप वाहन व त्यातील आठ जनावर सह दोन आरोपींना लाठी पोलिसांनी वर्धा नदी काठावर ताब्यात घेतले असून प्रकरणातील दोन आरोपी फरार असल्याची माहिती पोलिसांनी दिली आहे

गोंडपिपरी तालुक्यातील दरूर ते पोडसा मार्गे जनावरांची अवैधरित्या तस्करी होत असल्याचे माहितीवरून लाठी पोलीस स्टेशन चे ठाणेदार फाल्गुन घोडमारे यांचे मार्गदर्शनात पोलीस हवालदार प्रभू पुराम, शिपाई शंकर, सुनील राऊत, भोयर, जितू चव्हाण हे पोडसा जवळील वर्धा नदी काठावर पाडत ठेऊन होते दरम्यान दरूर कडून येणाऱ्या पिकअप वाहनाला थांबवून झडती घेतली असता कोणतेही कायदेशीर परवानगी नसतानाही निर्दयीपणे पिकअप मध्ये आठ गोवंश ची तस्करी करीत असल्याचे उघडकीस आले यावरून MH-34 BG-6289 क्रमांकाचे पिकअप वाहनासह आठ गोवंश जनावर व वाहनातील कृष्णा उर्फ राजा बसिराम पवार राहणार थोमापूर, रमेश तिरुपती कुंदाराम राहणार कोष्टाला तालुका राजुरा यांना अटक करण्यात आली. प्राण्यास निर्दयपणे कोंबून तस्करी करणे प्रतिबंधक अधिनियमाच्या विविध कलमान्वे आरोपीविरुद्ध गुन्हा दाखल केला आहे. या प्रकरणातील आणखी दोन आरोपी फरार असून त्याची चौकशी सुरू असल्याची माहिती पोलिसांनी दिली आहे. पुढील तपास उपविभागीय पोलीस अधिकारी राजा पवार यांचे मार्गदर्शनात लाठीचे ठाणेदार फाल्गुन घोडमारे करीत आहेत.