अंगावर शहारे आणणारी घटना पतीने पत्नीवर डिझेल ओतून जिवंत जाळले

• अंगावर शहारे आणणारी घटना
• पतीने पत्नीवर डिझेल ओतून जिवंत जाळले

आमचा विदर्भ - ब्युरो रिपोर्ट्स

मूल -

घरगुती भांडणावरून व्यसनाधीन पतीने आपल्या पत्नीच्या अंगावर डिझेल ओतून जिवंत जाळल्याची घटना चंद्रपूर जिल्ह्यातील तालुक्यातील सुशी या गावात घडली असून उपचारादरम्यान पत्नीचा मृत्यू झाला आहे. तर मुल पोलीसांनी आरापी पतीला अटक केली आहे.

सुशी या गावात 68 वर्षीय गंगाराम शेंडे आणि 65 वर्षीय मुक्ताबाई शेंडे हे पतीपत्नी राहत होते. या दोघांमध्ये नेहमीच भांडण होत होते. गंगाराम याला दारूचे व्यसन असल्यामुळे तो नेहमी मुक्ताबाई वर संशय घेऊन वाद घालत होता. काल दुपारी दोन वाजताच्या सुमारास या दोघांमध्ये कडाक्याचे भांडण झाले. रागाच्या भरात गंगाराम ने मोटार पंप करिता आणलेल्या डिझेल पत्नी च्या अंगावर ओतून माचिस ने आग लावली. मुक्ताबाई ने आरडा ओरडा केले असता शेजाऱ्यांनी धावत येऊन आग विझवले आणि मुक्ताबाई ला मुल येथील उपजिल्हा रुग्णालय येथे आणण्यात आले. तिची प्रकृती चिंताजनक असल्यामुळे जिल्हा सामान्य रुग्णालय चंद्रपूर येथे हलविण्यात आले. परंतु जळल्याचे प्रमाण जास्त असल्यामुळे तिला नागपूर येते नेत असताना वरोरा जवळ तिचा दुर्दैवी मृत्यू झाला. मुक्ताबाईच्या मृतदेहाचे मुल येथील उपजिल्हा रुग्णालयात शविच्छेदन करण्यात आले. मूल पोलिसांनी आरोपी गंगाराम शेंडे याला अटक केली असून मुल पोलीस स्टेशनचे पोलीस निरीक्षक सतीश सिंग राजपूत यांच्या मार्गदर्शनाखाली पोलीस उपनिरीक्षक पुरुषोत्तम राठोड पुढील तपास करीत आहेत.