आंतरराष्ट्रीय अलामा अब्याकस स्पर्धेत स्पंदन मानकर जगात दुसरा

• आंतरराष्ट्रीय अलामा अब्याकस स्पर्धेत स्पंदन मानकर जगात दुसरा

आमचा विदर्भ - ब्युरो रिपोर्ट्स

चंद्रपुर -

दि. 9 जानेवारी ला झालेल्या जागतिक अलामा अब्याकस स्पर्धेत मुरसा येथील डॉ बाबासाहेब आंबेडकर विद्यालयाचे शिक्षक एस.एच. मानकर यांचा मुलगा तसेच घुग्घुस येथील माऊंट कारमेल कॉन्व्हेंटच इयत्ता चौथी चा विद्यार्थी स्पंदन मानकर याने जगातून दुसरा नंबर पटकाविला.

या वर्षी दुसऱ्यांदा ऑनलाइन पद्धतीने घेण्यात आलेल्या 17 व्या अलामा अब्याकस स्पर्धेचा निकाल नुकताच जाहीर करण्यात आला यात गणितीय उदाहरणाची सोप्या पद्धतीने उत्तरे काढणाऱ्या या स्पर्धेत स्पर्धकांना 7 मिनिटात 120 प्रश्न विचारण्यात आले होते, यात जगातील ऑस्ट्रेलिया, अमेरिका, दुबई, मलेशिया, अबुधाबी, सिंगापूर, भारत या देशातून हजारो स्पर्धक सहभागी झाले होते, यात ज्युनियर गटात घुग्घुस च्या स्पंदन श्रीमंत मानकर याने दुसरा क्रमांक पटकावला. याला पुरस्कारादाखल सन्मानचिन्ह, सन्मानपदक आणि प्रशस्तीपत्र मान्यवरांच्या हस्ते प्रदान करण्यात येणार आहे. 

स्पंदन ने आपल्या यशाचे श्रेय आई रेणू मानकर, वडील श्रीमंत मानकर, अलामा अब्याकस चे दिग्दर्शक पद्मावती मुथुकुमार, जी मूथुकुमार अय्यर, वाणी रामजी मॅडम, शिक्षिका मिनाक्षी नेरकर व टी.एस. नेरकर सर यांना दिले असून या यशाबद्दल स्पंदनचे सर्व स्तरातून अभिनंदन होत आहे.