शेतकरी अतिवृष्टीच्या मदतीपासून वंचित

रक्षक पाटील - आमचा विदर्भ प्रतिनिधी

यवतमाळ -

नेर तालुक्याला अतिवृष्टीचा मोठा तडाखा बसला यात पिकांचे मोठ्या प्रमाणात नुकसान झाले यातील अनेकांना मदतीपासून वंचित ठेवण्यात आले 1977 शेतकऱ्यांनाच मदत मिळाली असून हजारो शेतकरी मदतीपासून वंचित आहेत. तालुक्यातील अनेक गावांना अतिवृष्टीचा फटका बसला आहे. 

सोयाबीन काढणीला आले असतानाच जोरदार पाऊस झाला शेतकऱ्यांच्या तोंडातील घास हिरावला गेला. सोयाबीन मातीमोल झाले तर कपाशीच्या पात्या गळाल्याने मोठे नुकसान झाले. नुकसान होऊनही शेतकऱ्यांना अतिवृष्टीची मदत मिळाली नाही. शेतकऱ्यांना सरसकट मदत देण्यात यावी अशी मागणी शेतकरी वर्गाकडून प्रशासनाकडे केली जात आहे.