- नांदाफाटा येथे २० लाभार्थ्यांना गॅस सिलिंडरचे वाटप
- निहाल जनसेवा केंद्राने केले विशेष प्रयास
धनराजसिंह शेखावत - आमचा विदर्भ प्रतिनिधी
गडचांदूर -
कोरपना तालुक्यातील नांदाफाटा येथे प्रधानमंत्री उज्ज्वला गॅस योजनेअंतर्गत २० लाभार्थी महिलांना गॅस सिलिंडरचे वाटप करण्यात आले. नांदा फाटा येथे नुकतेच २ महिन्या पूर्वी सुरु झालेल्या निहाल जनसेवा केंद्र नांदाफाटा तर्फे महिलांना उज्ज्वला योजनेचे गॅस कनेक्शन वितरण कार्यक्रम आयोजित करण्यात आले. या कार्यक्रमाला प्रमुख पाहुणे प्राचार्य अनिल मुसळे, पं.स. सदस्या सविता काळे, बिबीचे माजी सरपंच संतोषकुमार पावडे, रत्नाकर चटप, प्रमोद वाघाडे, रवी बंडीवार आदी उपस्थित होते. निहाल गैस केंद्राचे संचालक हबीब शेख यांनी यासाठी विशेष प्रयत्न केले. पहिल्या टप्प्यात नांदाफाटा, बिबी, सांगोडा परिसरातील महिलांना उज्ज्वला योजनेचे गॅस कनेक्शन वितरित करण्यात आले. गॅस वापरताना घ्यावयाची काळजी व वापराचे फायदे याबाबत लाभार्थी महिलांना मान्यवरांनी मार्गदर्शन केले. चंद्रपूरच्या पुष्पराज गॅस एजन्सीने यासाठी सहकार्य केले. शासकीय योजना अंमलबजावणीसाठी निहाल गॅस केंद्र नेहमी तत्पर असेल असे हबीब शेख यांनी मत व्यक्त केले.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.