नवीन राशन कार्ड धारकांना त्वरित राशन मिळण्याकरिता पाठपुरावा करू - हंसराज अहिर

• स्थानिक विश्रामगृहात भाजप कार्यकर्त्यांची विविध विषयांवर बैठक

आमचा विदर्भ - ब्युरो रिपोर्ट्स

राजुरा -

गुरुवार दि. २ सप्टेंबर ला स्थानिक विश्रामगृहात माजी केंद्रीय गृहराज्य मंत्री हंसराज अहिर यांनी तालुक्यातील भाजप पदाधिकारी व कार्यकर्त्यांची विविध विषयांवर बैठक घेतली. यामध्ये निराधार योजनेच्या लाभार्थ्यांना शाळा सोडण्याच्या प्रमाणपत्राची अट दूर करणे याबाबत तहसीलदारांना सूचना  देण्यात आल्या तसेच नवीन राशन कार्ड धारकांना राशन कार्ड बनविल्यानंतर 10 महिन्यापर्यंत धान्य मिळत नसल्याबद्दलचा मुद्दा उचलण्यात आला. हा मुद्दा किसान आघाडी सेलचे राजू घरोटे व शेतकरी, शेतमजूर व प्रकल्पग्रस्तांसाठी संघर्ष करणारे भाजपा तालुका महामंत्री अँड.इंजि. प्रशांत घरोटे यांनी उचलून धरला होता. याबाबत मागील काही महिन्यापासून प्रशांत घरोटे यांनी शासन दरबारी पाठपुरावाही केला होता. याबाबतही जिल्हाधिकारी चंद्रपूर यांचेशी झालेल्या पत्रव्यवहार बद्दल बोलले असता हंसराज अहिर यांच्या पाठपुराव्याला यश मिळून लवकरच नवीन राशन कार्ड धारकांना सुद्धा राशन मिळणे सुरू होत असल्याचे सांगण्यात आले. राज्यात देवेंद्र फडणवीस यांचे नेतृत्वातील भाजप सरकार असतांना नवीन रेशनकार्ड धारकांना दोन ते तीन महिन्यात राशन मिळणे सुरु होत होते परंतु त्यानंतर चे महाआघाडी सरकारने ही मर्यादा दहा ते ११ महिने केल्यामुळे लाभार्थ्यांचा नुकसान सोसावे लागत आहे. स्थानिक तहसील कार्यालयात राशन कार्ड चा तुटवडा असल्यामुळे नवीन राशन कार्ड साठी अर्ज घेत नसल्याचे जनतेच्या तक्रारीवर सुद्धा तहसीलदार महोदयांना सूचना करण्यात आल्या.

यावेळी भाजप चे वाघुजी गेडाम, राजू घरोटे, भाऊराव चंदनखेडे, अँड.इंजि. प्रशांत घरोटे, व्यापारी असोसिएशनचे अध्यक्ष व नप शिक्षण व क्रीडा सभापती राधेश्याम अडानिया, सतीश कोमरवेल्लीवार, महादेव तपासे, श्रीनिवास कोपुल्ला, कैलास कार्लेकर, सचिन शेंडे, सईद कुरेशी, मंगेश श्रीराम, सास्ती ग्राम पंचायत सदस्य कृष्णावतार संभोज, राजकुमार भोगा उपस्थित होते.