आता राजुरा शहरातही शिवसेनेचे भगवे वादळ सुरु

• राजूरा शहरातील शेकडो कार्यकर्त्यांचा शिवसेनेत जाहीर प्रवेश

आमचा विदर्भ - ब्युरो रिपोर्ट्स

राजुरा -

शिवसेनेचे पक्षप्रमुख महाराष्ट्र राज्याचे मुख्यमंत्री उद्धवसाहेब ठाकरे यांच्या कार्यप्रणालीला प्रेरित होऊन संपूर्ण राज्यात शिवसेनेचा जनाधार वाढताना दिसत आहे. चंद्रपूर जिल्ह्याचे जिल्हाप्रमुख आदरणीय संदिप गिऱ्हे व युवासेना जिल्हाप्रमुख निलेश बेलखेडे यांच्या मार्गदर्शनात राजुरा तालुक्यात शिवसेनेत इनकमिंग चालू झाले. येणाऱ्या काळात होणाऱ्या जिल्हा परिषद पंचायत समिती व नगर परिषद निवडणुकीला केंद्रित करून जिल्हाप्रमुखांनी पदाधिकाऱ्यांना तयारीला लागण्याचे आदेश दिले आहे. राजुरा तालुक्याचे कार्यतत्पर तालूका प्रमूख, नगरसेवक राजू डोहे व राजुरा शहर प्रमुख निलेश गंपावार यांच्या नेतृत्वात राजुरा येथील इंदिरा नगर परिसरातील शेकडो युवा कार्यकर्त्यांनी शिवसेनेत प्रवेश घेतला. प्रवेश घेणाऱ्या युवा कार्यकर्त्यांचे राजू डोहे यांनी शिवबंधन बांधून स्वागत केले.  

याप्रसंगी राजूरा विधानसभा संघटक नरसिंग मादर, शहर समन्वयक सुनील लेखराजनी, सास्तीचे उपसरपंच व युवासेना तालुका चिटणीस (संघटक) कुणाल निळकंठ कुडे, युवासेना राजूरा तालूका चिटणीस वतन मादर, माजी युवासेना उपजिल्हा प्रमुख राकेश चिलकुलवार, माजी शिवसेना शहर प्रमुख भूवन सल्लम, शिवसैनिक बालू कूइटे, खूशाल सूर्यवंशी, समीर शेख आणि कार्यकर्ते उपस्थित होते.