माणिकगड सिमेंट कंपनी वर व्यवसायिक आधारावर टॅक्स लावावा

• शरद जोगी याची मागणी

धनराजसिंह शेखावत - आमचा विदर्भ प्रतिनिधी

गडचांदूर -

येथील माणिकगड सिमेंट कंपनी आताची अल्ट्राटेक सिमेंट ही 1984-85 पासून येथे कार्यरत आहे. हया कंपनीचा पूर्ण परिसर गडचांदुर शहराचा एक वॉर्डात येते. कंपनी निर्मिती पासून कंपनीने हे शहर दत्तक घेतले आहे पण शहराच्या विकासात कंपनीचे योगदान मात्र शून्यच आहे. प्रत्येक कंपनी आपल्या सीएसआर फंडातून आपल्या जवळपास असलेल्या गावांचा विकास करत असते. पण आतापर्यंत कंपनीतील अधिकरियांनी स्थानीय नेत्यांना चहा पाणी पाजून त्यांना खुश ठेवत होते. वास्तविक पाहता कंपनी ने आपल्या करोडो रुपयांचा सीएसआर फंड गड चांदूर शहराच्या विकासा साठी खर्च करायला पाहिजे. ज्यातून येथील नागरिकांना रोड, नाली, शिक्षण, आरोग्य या सारख्या मूलभूत सुविधा उपलब्ध करून देण्याकरिता खर्च करायला पाहिजे. परुंतू असे काही होताना दिसत नाही आहे. कंपनी चे उद्योग परिसर वगळता कंपनी वर उद्योग नुसार टॅक्स लावला पाहिजे व कंपनी चे रहिवास परिसराचे पुनर्मूल्यांकन करून शहराच्या नगरपरिषद नियमा नुसार टॅक्स लावला गेला पाहिजे. कंपनी नेहमी आज पर्यंत ग्रामपंचयत सदस्य यांना बोलून त्यांना पार्टी देऊन फक्त सतरालाख एक मुस्त रक्कम देऊन टॅक्स भारत होती. आता नगरपरिषद होऊन ही तीच प्रक्रिया कंपनी ची सुरू आहे .आता टॅक्स भराच्या वेळेस नगरपरिषद पदाधिकारी यांना बोलाऊन तीच प्रक्रिया होणार अशी चर्चा सुरू असून कंपनी ची तीन ते चार करोड टॅक्स नगरपरिषद ला द्यावा अशी मागणी राष्ट्रवादी काँग्रेसचे तालुका अध्यक्ष व नगरपरिषद चे उपाध्यक्ष शरद जोगी यांनी केली आहे.