कोरपना -
महाआवास अभियान २०२०-२१ योजनेअंतर्गत जिल्हास्तरीय तिसरे पारितोषिक ग्रामपंचायत पिपरीला पालकमंत्री विजय वडेट्टीवार यांच्या हस्ते पिपरीच्या सरपंच रुंदा विजय कुंभारे, सचिव एन एम शाहा यांना प्रदान करण्यात आले. 
सदर पारितोषिक ७५ व्या स्वातंत्र्य दिनाच्या औचित्यावर जिल्हाधिकारी कार्यालय चंद्रपूर येथे देण्यात आला. याप्रसंगी चंद्रपूरचे जिल्हाधिकारी अजय गुल्हाने, जिल्हा परिषद अध्यक्ष संध्याताई गुरनुले, जिल्हा पोलीस अधीक्षक अरविंद साळवे, जिल्हा परिषदेच्या मुख्य कार्यकारी अधिकारी मिताली सेठी आदी मान्यवर उपस्थित होते. या अभियानाच्या यशस्वीतेसाठी उपसरपंच ज्ञानेश्वर तिखट, ग्रामपंचायत सदस्य किस्मत शाहिद अली, शालू बोढे, प्रीती तिखट, साईनाथ तिखट, सागर झाडे, संगणक परिचालक श्रीकांत लोंडे, शिपाई राजू तिखट आदींसह सर्व ग्रामपंचायतच्या चमुनी अथक परिश्रम घेतले.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.