ट्रकच्या धडकेत महेंद्र शेपूरवार यांचे दुःखद निधन

• 1 जुलै च्या रात्री खामोना जवळील दुर्घटना

तालुका प्रतिनिधी -

राजुरा -

राजुरा शहरातील आझाद चौकातील महेंद्र शेपूरवार, वय 36 या युवकाला खामोना गावाजवळ एका ट्रक ने जोरदार धडक दिली. त्याला तातडीने राजुरा रूग्णालयात दाखल करण्यात आले. मात्र गंभीर असल्याने तेथून चंद्रपूर रूग्णालयात नेताना त्यांचे निधन झाले. दिनांक 1 जुलै ला रात्री ही दुर्घटना घडली.

महेंद्र हे जिवती तालुक्यातील पीटीगुडा आश्रमशाळेत शिक्षक होते. आश्रमशाळेत नवीन विद्यार्थ्यांची भरती करण्यासाठी विद्यार्थी शोधायला ते सकाळी गेले होते. रात्री पीटीगुडा येथून दुचाकीने परत येत असतांना त्यांच्या गाडीला ट्रकने जोरदार धडक दिली. हा ट्रक चुकीच्या दिशेने भरधाव येत असल्याचे समजते. अपघात होताच त्यांच्या मागे येणार्‍या एका व्यक्तीने तातडीने राजुरा उपजिल्हा रुग्णालयात नेले. मात्र त्यानंतर चंद्रपूरला नेताना रस्त्यातच ते गतप्राण झाले. आज दुपारी त्यांचेवर अंत्यसंस्कार करण्यात आले.

महेंद्र शेपूरवार हे राजुरा शहरात 'माही' या नावाने ओळखले जात होते. नेहमी हसतमुख व कुणाच्याही संकटात धावून जाणार्‍या या युवकाच्या जाण्याने येथे शोक व्यक्त करण्यात येत आहे. त्यांच्या मागे पत्नी, दोन मुले आणि मोठा आप्तपरिवार आहे.

टीम आमचा विदर्भ कडून भावपूर्ण श्रद्धांजली