मराठा कामगार संघटनेच्या वतीने साडे सात लाखाचा धनादेश वितरित

• माजी खासदार नरेश बाबू पुगलिया यांचे नेतृत्व
• कोरोनामुळे मृत पावलेल्या कामगारास आर्थिक मदत

धनराजसिंह शेखावत - आमचा विदर्भ प्रतिनिधी

गडचांदुर - 

मराठा सिमेंट वर्क्स अंतर्गत अंबुजा सिमेंट कंपनी मध्ये गुरुनानक ट्रान्सपोर्ट या ठिकाणी ड्रायव्हर म्हणून काम करत असलेला देवराव तलांडे सदर कामगाराचा दि. २२ एप्रिल २०२१ ला कोरोनामुळे मृत्यू झाला. सदर कामगाराच्या मृत्यूमुळे त्याच्या परिवारावर दुःखाचा डोंगर कोसळला. त्याच्या पश्चात त्याला आर्थिक मदत मिळावी या हेतूने मराठा कामगार संघटनेचे अध्यक्ष माजी खासदार नरेश पुगलिया यांच्या नेतृत्वात कामगार संघटनेचे जनरल सेक्रेटरी अजय मानवटकर, सागर बल्की, इक्बाल शेख आणि समस्त पदाधिकारीच्या उपस्थितीत मृत कामगाराच्या परिवाराला कोविड रिलीफ फंड म्हणून 5 लाख रुपये, मेजर व कामगार बंधू आणि भगिनीच्या वतीने दोन लाख 22 हजार 700 रुपये असा एकूण सात लाख बावीस हजार सातशे रुपये धनादेश मृतकाच्या कुटुंबियांस वितरित करण्यात आला. या मदतीसाठी मृतकाच्या कुटुंबियांनी मराठा कामगार संघटनेचे आभार मानले आहे.

बातम्या अधिक आहेत.....

⭕ चंद्रपुरातील रघुवंशी कॉम्प्लेक्स गोळीबार प्रकरण ⭕ बल्लारपूर येथून दोन युवकांना अटक