खावटी अनुदानातून मिळणारी अन्नधान्य किट कोरोनाने प्रभावित आदिवासींसाठी जीवनदायी - आमदार सुभाष धोटे

• खावटी अनुदानातून गोंडपिपरी येथील लाभार्थ्यांना अन्नधान्य किटचे वितरण

आमचा विदर्भ - ब्युरो रिपोर्ट्स

गोंडपिपरी -

खावटी अनुदान योजने अंतर्गत अनुसूचित जमाती कुटुंबांना साहाय्य करण्यासाठी जीवनावश्यक वस्तूंचे "अन्नधान्य किट वाटप" वितरण कार्यक्रम आमदार सुभाष धोटे यांच्या अध्यक्षतेखाली सुभद्राबाई सांगडा आश्रमशाळा गोंडपिपरी, येथे आयोजित करण्यात आले. 

या अंतर्गत गोंडपिपरी तालुक्यातील 1324 लाभार्थी आदिवासी कुटुंबियांना लाभ मिळणार आहे. किराणा स्वरुपात असलेल्या या किटमध्ये १२ वस्तुंचा समावेश करण्यात आला आहे. यात मटकी, चवळी, हरबरा, वाटाणा, उडीद डाळ, तर डाळ, साखर, शेंगदाने तेल, गरम मसाला, मिरची पावडर, मीठ, चहापत्ती इत्यादींचा समावेश आहे.

या प्रसंगी आमदार सुभाष धोटे यांनी उपस्थित लाभार्थी कुटुंबांना मार्गदर्शन करताना सांगितले की महाविकास आघाडीचे सरकार गोरगरीब जनतेला न्याय मिळवून देण्यासाठी संकल्प बद्ध आहे. कोरोणाची परिस्थिती लक्षात घेता  हे कीट गरजू आदिवासी कुटुंबांसाठी जीवनदायी ठरणार आहे. 

या प्रसंगी सभापती कृ.उ.बा.स सुरेश चौधरी, उपसभापती अशोक रेचनकर, अध्यक्ष ता.काँ.कमिटी तुकाराम झाडे, राजीवसिंग चंदेल, संभूपाटील येलेकर,  रामचंद्र कुरवतकर, अध्यक्ष रेखाताई रामटेके, वनिता वाघाडे, दर्शनात दुर्गे, प्रकाश मडावी, बालाजी चनकापुरे,आनंदराव कोडापे, नामदेव सांगळे, प्रवीण नरहरशेट्टीवार, सुधाकर जाधव यासह स्थानिक आदिवासी बांधव, शिक्षक वृंद, कर्मचारी व नागरिक उपस्थित होते. कार्यक्रमाचे प्रास्ताविक राजेश धोटकर सहाय्यक प्रकल्प अधिकारी यांनी केले. संचालन आणि आभार प्रदर्शन अनिल झाडे यांनी केले.