चंद्रपूर -
चंद्रपूरच्या जिल्हा कारागृहात हत्येची शिक्षा भोगत असलेल्या 25 वर्षीय आरोपीने आज दुपारी अडीच वाजताच्या सुमारास कारागृहात गळफास घेऊन आत्महत्या केली. या घटनेने जिल्हा कारागृह प्रशासनात एकच खळबळ उडाली. उमेश दामाजी नैताम वय २५ असे मृत कैद्याचे नाव आहे. हा आरोपी गडचिरोली जिल्ह्यातील धानोरा तहसील येथील साखरी टोला येथील रहिवासी आहे.
उमेश नैताम हा आरोपी खुनाच्या आरोपाखाली चंद्रपूरच्या जिल्हा कारागृह वर्ग -१ मध्ये अनेक दिवसापासून शिक्षा भोगत होता पण आज अचानक त्याने कारागृहाच्या आवारातील बाथरूममध्ये गळफास घेऊन आत्महत्या केली. या घटनेची माहिती कारागृहातील अधिकाऱ्यांना मिळताच अधिकारी घटनास्थळी दाखल झाले आणि त्यांनी मृताला त्वरित जिल्हा सामान्य रुग्णालयात दाखल केले. जेल प्रशासनाकडून या घटनेचा पुढील तपास सुरू आहे.
बातम्या अधिक आहेत......
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.